¿Imatan ruwawaq kay 2024 watapi allin kanaykipaq? | ¿Imatapas Biblia willashanmanchu chaymanta?

Askhan nishanku kay 2024 watapi sasachakuykuna astawanraq yapakunanta. Jamuq tiempopin ichaqa sumaq kausay kanqa, ¿imatan chaypi kanaykipaq ruwanayki?

Bibliapin willashan sumaq kausay chayamunanmanta

Bibliapin Diosqa prometewanchis pisi tiempollamanta runakunaq llakikuyninta chinkachipunanta. Chaypin nishan: “Diosmi runakunaq ñawinmanta tukuy weqeta pichanqa, manan wañuypas kanqañachu, manañataqmi llakikuypas, waqaypas, ni nanaypas kanqañachu”, nispa (Apocalipsis 21:4).

Bibliapi kaq promesakunamanta astawan yachayta munanki chayqa, leey “La esperanza real de un mañana mejor” nisqa yachachikuyta.

¿Imaynatan kay tiempopi Biblia yanapasunkiman?

Bibliapi kaq promesakunamanta yachayqa yanapasunkin ama nishuta llakikunaykipaq (Romanos 15:13). Chaymantapas Bibliapiqa kashanmi sumaq yuyaychaykuna wajcha kayta, onqoykunata otaq ima sasachakuytapas allinta aguantanaykipaq.

Bibliaq prometesqanta yachaspan juj runa wajcha familiapiña tiyashaspapas kusisqa kayta atirqan. Paymanta yachanaykipaq qhaway Juan Pablo Zermeño: Jehová Diosmi sumaq kausayta qowaran nisqa videota.
Chaymantapas Bibliaqa sumaqtan kallpachasunkiman familiayki wañupuqtin, mana allin sientekuqtiyki otaq imamantapas sinchi llakisqa kashaqtiyki. Chaypaq leey “¿Puedo encontrar consuelo en la Biblia?” nisqa yachachikuyta.
Chaymantapas unayña ejercitopi serviq juj warmin pay kikinta qhawarikuq mana khuyapayakuq rumi sonqo warmita jina, paypas Bibliapi kaq promesakunamanta yachaspan cambiapurqan. Paymanta yachanaykipaq qhaway “Kunanqa Biblian armayqa kapun” nisqa videota.

Munashankichá qanpas familiaykipas kay 2024 watapi allin kayta. Chaypaqqa Bibliapi kaq sumaq yachachikuykunan yanapasunkiman. Munaqtiykiqa gratisllan Bibliamanta yachachiykikuman. Chhaynapin Diosqa thaj kayta qosunki, mana manchakuspataq sumaq kausayta suyakunki (Jeremías 29:11).