¿Imaraykun política runakunata t’aqanachin? | ¿Imatapas Biblia willashanmanchu chaykunamanta?

Pachantinpin politicaqa runakunata t’aqanachishan. 2022 watapin Pew Research Center nisqa encuestata ruwaran, paykunan ninku: “Pachaq runakunamanta kuskan más runakunan ninku: 19 nacionkunapin politicaqa runakunata t’aqanachishan, manataqmi ima acuerdomanpas chayayta atinkuchu”, nispa.

Rikusqanchis jina politicaqa askha runakunatan t’aqanachishan. Ichaqa, ¿imaraykun chaykuna pasan? ¿Jayk’aqllapas chaykuna tukunqachu? Chayta yachanapaq Bibliata qhawarisun.

¿Imayna kasqankun runakunata t’aqanachin?

Bibliaqa ñan willaranña “tukukuy tiempopi” imaynas runakuna kananku karan chayta. Chhayna kasqankuwanmi mana thajchu kausanku.

•  Biblian nin: “Tukukuy p’unchaykunataqa manchakuy sinchi sasa tiempokunan chayamunqa. Runakunan kanqa paykuna kikinkuta munakuqkuna, [...] runamasinkuta mana munakuqkuna, mana uyakuq k’ullukuna”, nispa (2Timoteo 3:1-3).

Gobiernokuna kallpachakunkuña imatapas allinta ruwanankupaq chaypas manan atinkuchu. ¿Imarayku? Runakuna imamantapas mana igualtachu piensasqankurayku. Chaymi mana ima problematapas allichayta atinkuchu. Tukuy chaykunaq kananmantaqa Bibliaqa willaranñan.

•  Biblian nin: “Tukuy kay tiempoqa mana allinnillanpaqmi runaqa runamasinta munaychakurqan”, nispa (Eclesiastés 8:9).

Bibliapin ichaqa tukuy chaykuna tukupunanmanta willashan. Chaypin willashan juj gobiernomanta. Chay gobiernon runakunaq lliu sasachakuyninta chinkachipunqa.

Juj kamachikuqmi llapa runakunamanta llakikun

Bibliaqa juj allin kamachikuqmanta willashan. Chay kamachikuqqa manan kay pachapi kamachikuqkuna jinachu, payqa atiyniyoqmi tukuy imaymana sasachakuykunata tukuchinanpaq. Paymi Señorninchis Jesucristo. Payllan thaj kayta llapa runaman apamunqa.

•  Biblian nin: “Pay kamachikuqtinqa t’ika jinan chanin runaqa t’ikarinqa. Thaj kayqa kashallanqan”, nispa (Salmos 72:7).

•  Chaymantapas nillantaqmi: “Llapa nacionkunan payta servinqaku”, nispa (Salmos 72:11).

Jesusllan allin kamachikuqqa. Payqa llapa runakunamantan llakikun, astawanqa pikunachus mana allinkunapi tarikushanku paykunatan yanapayta munan.

•  Biblian nin: “Paymi yanapay mañakuq wajchakunata libranqa, paymi mana piniyoqtapas, pisichasqatapas libranqa. Wajchakunatan, mana piniyoqkunatan khuyapayanqa, mana imayoq runakunatan libranqa. Pisichasqa kasqankumantan, sarunchasqa kasqankumantan orqonqa”, nispa (Salmos 72:12-14).

Kallpachaykikun Diospa gobiernonmanta astawan yachanaykipaq, Jesús chay gobiernopi allin kamachikuq kasqanmantapas. Chaymantapas yachallaytaq imaynatas chay Gobierno yanapasunki, imaynatas chay gobiernota yanapakuwaq chaytapas.

•  Qhaway “¿Iman Diospa gobiernon?” nisqa videota.

•  Leey “El Reino de Dios: un gobierno sin corrupción” nisqata.