¿Imatan ruwasunman juñunakuypi rimarispa kallpachanapaq jina rimarinapaq?

Juñunakuykunaman rispaqa kallpachanakunchismi. Chay juñukuypi participaspapas jujkuna-jujkunawanmi kallpachanakushanchis (Heb. 10:​24, 25). Ichaqa, ¿imatan ruwasunman jujkuna kallpachanapaq jinapuni rimarinanchispaq?

• Jehová Diospa yanapaynintan mañakuna. Paypa yanapayninwanqa atisunmi juñunakuykunapi rimariyta. Mañakusunmanmi ima rimarisqanchispas payta jatunchanaykipaq jina kananpaq, jujkunata kallpachanaykipaq jina kananpaqpas (Sal. 35:18).

• Kallpachakusun entiendesqanchisman jina rimanapaq. Sichus entiendesqanchisman jina sonqomanta rimasun chayqa juñunakuypi kaqkunaqa kallpachasqan kanqaku.

• Ama nishutachu rimasun. Pisillata rimasun chayqa faciltan uyariqkunaqa yuyarinqaku. Jujkunapas atinqakun participayta (Prov. 10:19).

• Kallpachanapaq jina rimasun. Juñunakuypi rimarispaqa manan pitapas anyaq jinachu ni atencionta wajaq jinachu rimananchis.

Manaña chaypi participayta atirunchischu chaypas jujkunataqa kallpachasunmanmi. ¿Imaynata? Paykunaq rimasqankuta tukuy yuyay uyarispa, imachus gustawaranchis chayta paykunaman willarispa ima (Prov. 10:21).