Tapuykuna

◼ ¿T’aqllakusunmanchu Bibliamanta Allin Yachachiq Kanapaq Escuelapi, Runaman Diosmanta Yachachinapaq Huñunakuypipas discursota ruwaqtinku?

Kay Hallp’ata Jehová Dios kamashaqtinmi ‘pacha paqar ch’askakuna ima sumaqta takiranku, hanaq pacha kamachinkunapas kusisqa q’ochukuranku’ (Job 38:7). Jehová Diosqa kamasqanpin rikuchiran yachayninta, sumaq sonqo kayninta atiynintapas chaymi angelninkunaqa hatuncharanku.

Wayqe pananchiskunaqa anchatan kallpachakunku discursota qonankupaq demostracionta ruwanankupaqpas, chayraykun tukuy sonqowan agradecekusqanchista rikuchinanchis. Hatun huñunakuykunapiqa chay agradecekusqanchista rikuchinchis t’aqllakusqanchiswan. Discursota qoq wayqekunaqa ñawpaqmantaraq anchatan kallpachakunku discursonkuta preparanankupaq, t’aqllakusqanchiswanqa manan chhayna ruwasqallankumantachu agradecekunchis, agradecekullanchistaqmi Jehová Diostapas Simin Qelqawan, llaqtanwan yachachiwasqanchismanta (Isa. 48:17; Mat. 24:45-47).

Chhaynaqa, ¿t’aqllakusunmanchu Bibliamanta Allin Yachachiq Kanapaq Escuelapi, Runaman Diosmanta Yachachinapaq Huñunakuypipas? T’aqllakusunmanmi Bibliata estudiaqkuna chayllaraq discursota qoshanku chayqa. T’aqllakuymi ichaqa yanqa t’aqllakuyman tukupunman. Chayraykun mana sapa discurso tukuqtinchu t’aqllakunchis.

Sapa discurso qosqankumanta manaña t’aqllakunchischu Bibliamanta Allin Yachachiq Kanapaq Escuelapi, Runaman Diosmanta Yachachinapaq Huñunakuypi chaypas, kallpachakusqankumantaqa hukniraymantan agradecekusunman. Chaytaqa ruwasunman makilla uyarispa. Huñunakuy tukuytataq nisunman allintan ruwarunki nispa (Efe. 1:15, 16).