“Kuska sutinta alabasun”
1. ¿Maypin wayqepananchiskunawan kuska Diospa sutinta alabasunman, imakunatan kunanmantaña ruwananchis?
1 “Jehová Diosta ñoqawan hatunchaychis, kuska sutinta alabasun”, nispan salmista takiran (Sal. 34:3). “Dioswan purisun” nisqa sutiyoq Distrito Asambleanchispin kay wataqa Jehovaq sutinta alabasun askha congregacionkunamanta wayqepananchiskunawan kuska. ¿Ñachu maskhanchisña alojamientota, imapi viajananchistapas, trabajonchispipas permisota mañakunchisñachu? Tiempowanmi chaykunata allichana (Pro. 21:5).
2. ¿Imakunan yanapawasun asambleaman temprano chayanapaq?
2 Asambleapaq localpi. Asambleaman riqtinchisqa imaymanan ruwana. Sichus wasimanta tempranota lloqsisun chayqa, ima atrasotapas vencespan tempranota chayasun chaymi listo tiyasun tukuy sonqowan takinanchispaq, qallarinapaq oracionta uyarinanchispaqpas (Sal. 69:30). Manaraq sesión qallarishaqtinmi, presidenteqa plataformapi tiyanqa, chay ratopin uyarisun Reinomanta musicata. Llapanchisñan, asientonchispi tiyashananchis programa qallarinanpaq (1 Cor. 14:33, 40).
3. Asientota maskhaspanchis ¿imaynatan rikuchisun hukkunapi piensasqanchista?
3 Diospa Palabranmi kallapachawanchis ‘ima ruwananchistapas munakuywan ruwananchispaq’ (1 Cor. 16:14). Las 8 de la mañanata punku kichakuqtinqa, manan hukkunata tanqarparispachu apurasqa phawasun gustawasqanchis asientokunaman. Asientotaqa separasunman ñoqanchiswan kuska carropi riqkunallapaqmi otaq wasinchispi tiyaqkunallapaq. (1 Cor. 13:5; Fili. 2:4).
4. ¿Imatan ruwasunman chawpi p’unchay samanapi, imaraykun chay allin?
4 Chawpi p’unchay samasqanchispi almuerzoman hawata lloqsinanchistaqa, apakunanchismi chay ukhupi mikhunanchispaq, chaymi tiempo kanqa hermanonchiskunawan parlarikunapaq, programa qallariqtinpas tempranota chaypi kasun. Necesitakuqtinqa apasunmanmi imatapas mikhunanchis churanapaq asientoq pachanpi cabeqta, manan ichaqa imatapas hatunta apasunmanchu nitaq vidriomanta botellatapas, imatapas p’akikuqtaqa, nitaq ima tragokunatapas.
5. ¿Ima yanapaymi kanqa pisi uyariqkunapaq?
5 Pisi uyariqkunaq allinninpaqmi, wakin asambleakunapiqa programa uyarikunqa radiopi (FM), asamblea localpa muyuriqninpi. Chhayna kaqtinqa asamblea qallariytan willakunqa. Radiopi uyarinapaqqa sapankan apananku audífonoyoq huch’uy radiota.
6. ¿Imaynatan sonqonchista preparasunman asambleapi yachachiykuna uyarinanchispaq?
6 Askhan espiritual banquete suyawanchis. Rey Jehosafatmi “sonqonta “[prepararan] cheqaq Diosta maskhananpaq” (2 Cró. 19:3). ¿Imaynatan sonqonchista preparasunman asamblea ñawpaqta? ¡Despertad! revistanchiskunapin 22 de mayopi, 8 de juniopiwan qhepa paginapi pisillapi willariwanchis chay asambleanchis imayna kananta. ¿T’aqasunmanchu tiempota chay revistakunaq nisqanpi allinta piensananchispaq, Jehovaq preparasqanta ganaswan suyananchispaq? Asambleapi uyarisqanchista kasukunapaq oracionpi mañakuypas sonqonchis preparaymi (Sal. 25:4, 5).
7. ¿Ima ruwaytan munanchis, imarayku?
7 Llapanchismi munanchis Diospa Palabranmanta astawan yachayta, chaywanmi salvacionpaq wiñasun (1 Ped. 2:2). Chayrayku, risunpuni “Dioswan purisun” sutiyoq Distrito Asambleanchisman hinaspa ‘kuska sutinta hatunchasun’ (Sal. 34:3).
[3 paginapi recuadro]
Imaynatan Diospa sutinta alabasunman
◼ Tiempowan alistakusun
◼ Runamasinchista munakusun
◼ Sonqonchista preparasun