PACHANTINMANTA WILLAKUYKUNA
Yachasun Asia continentemanta
Asia continentepiqa aswan askha runakunan tiyanku. India China nacionkunallapin kinsa kaq parte pachantinpi kaq llapa runakunamanta chaypi tiyanku. Millonninpi runakuna kasqanrayku, ¿ima problemakunan kan runakunata educanapaq cuidanapaq ima?
Wawakunaman warmi-qhari puñuymanta rimapayay:
China nacionmanta fiscalkuna profesorkuna iman ninku: “Sichus tayta-maman wawakunata mana rimapayanqachu warmi-qhari puñuymanta chayqa manan cuidakunqakuchu violaqkunamanta”, nispa. Tawa watallapin 2010 watamanta 2013 watakama fiscalkuna atienderqanku 8.000 juiciokunata wawakunamanta. Pekín llaqtapi huk universidadmanta profesor nin: “Wawakunaqa fácil engañanapaq hinallan kanku”, nispa. Nillantaq: “Wawakunataqa rimapayanan warmi-qhari puñuymanta cuidakunankupaq”, nispa.
¿IMA NINMI BIBLIA? Allin tayta-mamaqa wawantan yachachin “waqllisqakunata yuyaykuq runakunamanta” cuidakunanpaq (Proverbios 2:1, 10-12).
Hatun wayra qhepatan aswan askha warmi wawakuna wañunku:
Filipinas nacionpi hatun wayraq pasasqanpin askha warmi wawakuna wañurqanku, ichaqa huk wata qhepamanmi 15 kutita hina aswan askharaq warmi wawakuna wañurqanku, chaytan yachanku chayllaraq estudio ruwasqankupi. Hatun wayraq pasasqan qhepataqa manan kanchu llank’ana, manan qolqepas kanchu wasinku hatarichinankupaq, chaymi warmi wawakunaqa mana allin mikhusqa hampisqa kanku.
¿IMA NINMI BIBLIA? “Yarqasqamanmi mikhunata haywarinaykichis, mana wasiyoq wakchakunatapas wasiykichispin qorpachanaykichis, mana p’achayoqta[pas]” p’achachinaykichismi (Isaías 58:7).
Corea del sur nacionpin edadniyoq runakuna wañuchikunku:
2011 watapin askha runakuna wañuchikurqanku, tawa kaq parte masmi karqan 65 watayoqkunamanta wichayman. Investigaqkunan ninku: “Pachakmanta kuskanmi kanku pobre, chaymantapas manañan chay nacionpi allin costumbrekuna kanñachu”, nispa. Corea nacionpiqa yaqa kuskan runakunallan ninku: “Wawakunan edadniyoq tayta-mamankutaqa cuidanan”, nispa.
¿IMA NINMI BIBLIA? “Taytaykitapas mamaykitapas respetankin” (Efesios 6:2).