PACHANTINMANTA WILLAKUYKUNA

Estados Unidos

Investigaq runakunan askha carrokunaq kasqan callekunapi repararqanku kayta: Chunka pasaq runakunamantan kinsa distraesqa karqanku musicata uyarispa, telefonopi rimaspa, hukkunawanpas. Celularpi mensajeta apachiqkunan aswan distraesqaqa karqanku. Paykunan astawanqa mana usqhayllachu calleta pasarqanku. Hinaspapas celularpi mensajeta apachiqkunan astawanqa calleta pasaspa qonqaqku semáforo qhawayta, calletapas mana qhawarikuspallan may atisqankuta pasaqku.

Nigeria

Nigeriamanta Europaman warmikunata apaq runakunan “yuyu” nisqa brujeriata ruwaspa jurachinku paykunaq nisqanta ruwanankupaq. Espiritukunata chay warmikuna manchakusqankuraykun chay runakunaqa chaykunawan manchachispa prostituta kanankupaq hap’inku.

España

Askha tiempoña mana llank’anayoq wakin runakunaqa, manañan contratanankupaq hojankupi churankuñachu universidadpi estudiasqankuta, ima llank’aypi experienciayoq kasqankutapas. Chaytaqa ruwanku chaykunata willaqtinku aswan sasata contratachikusqankuraykun.

Internacional

Maderawan otaq carbonwan wayk’ukusqankuraykun wakcha nacionkunapi askha runakuna wañushanku, chaykunaq q’osñinwan onqospan sapa watan tawa millón runakuna wañunku. Investigaq runakunan ninku maderamanta otaq carbonmanta q’osñiqa cigarroq q’osñin hina sinchi mana allin kasqanta.