Aqo pampapi kawsaq michi

CH’INNEQ pampapin huk michi laqhayaq tutapi t’oqonmanta lloqsimun. Sayarqospan qhawaykachakun tukuy yuyaytaq uyarin. Chaymantataq sumaqchallata aqo pampanta purin.

Tutantinmi purin ima animalchallatapas hap’inanpaq. Huk huk’uchata hap’irqospapas hukkunata hap’inanpaqmi p’ipa-p’itarispa maskhashallan. Saksarqospataq puchuqninta p’amparqon. P’unchayyamuqtintaq t’oqonman kutipuspa ch’isiyaq mana lloqsimunchu, maynillanpin p’unchayqa lloqsimun. ¿Munawaqchu reqsiyta kay sasa rikuchikuq animalta?

• Ninrinqa allintan uyarin, chaymi aqo ukhupiña mikhunan animalcha kaqtinpas tarin

• Orqokunaqa ñañu kunkawanmi waqanku chhaynapin chinakunaqa karumantaraq uyarinku

• Chakinqa askha suphuyoqmi chaymi aqopi purispa mana chinkaykunchu nitaq ruphachikunpaschu

• Ninrin ukhupin yuraq suphukuna wiñan chaymi aqomanta wayramantapas hark’aykun

• Millmayoq hina chakin kasqanraykun aqopi purisqan mana reparakunchu chaymi sasa qatipana

• Hap’isqan animalpin unuta tarin kawsananpaq

• Karakum ch’inneqpiqa sinchitan ruphan (80°C hinamanraqmi chayan), mayninpitaq nishuta chirin (-25°C hinamanraqmi chayan)