Lapan runacuna caway vidancho decidinan waquin hermanucunawan junto Jehovata sirvinanpaj o manapis. Jehová munan lapan runacuna chayta rurananpaj. Aumi, sirvinanchitami munayculan y chaynopa imaycamapis cawacunapaj (Deut. 30:19, 20; Gál. 6:7, 8). Jehovaga pitapis obliganchu payta sirvinanpaj, payga jaguin quiquincuna imatapis decidicunanpaj. ¿Pero imataraj ruranman ancianucuna maygan cristianupis jatun juchata ruraptin? Mana arrepenticuptenga congregaciunpitami jorgushga canman (1 Cor. 5:13). Jehovaga munayculan cuticäramunantami, chayraycu Wamrantapis cachamurgan juchanpita arrepenticojcuna perdunashga cananpaj (1 Juan 2:1). Cuyacoj Taytalanchi Jehovaga imaycatarämi ruran jucha rurajcuna arrepenticärinanpaj (Zac. 1:3; Rom. 2:4; Sant. 4:8). w24.08 14 parr. 1, 2

Juan guelgamurgan Diosta cäsucuptinchirämi cushishgala cawacunchi. Quimsa caj cartanta escribimushgan wichanga waquincunaga lutanta yachachicuycargan y congregaciuntapis raquicaycächergan. Chayno captinpis, waquincunaga jinala Diosta sirvircaycargan y Diospa mandamientun nishganno cawarcaycargan (2 Juan 4, 6). Cay yäracoj cristianucunaga Juanta y Jehovatapis cushicherganmi (Prov. 27:11). ¿Y noganchega imataj yachacunchi? Diosta mana jaguiypa sirviptinchega cushishgala goyäcushun (1 Juan 5:3). Jehovata cushichiptinchega noganchipis cushishgala caycanchi. Mayraj Jehová cushicun mana alicunata mana ruraptinchi y Palabranta chasquicuptinchi. Cielucho angelcunapis alapa cushicärin (Luc. 15:10). Noganchipis cushicunchimi cristiano masinchicunawan mana cachaypa Diosta sirviptinchi (2 Tes. 1:4). Chaymi Diablupa maquincho caycaj cay mundo ushacächishgana captenga, Jehovalata sirvishganchipitaga masraj cushicushunmi. w24.11 12 parr. 17, 18

Pilatapis ricapaycaptiqui noviayqui cananpaj, ¿ayca tiemputaj pasanman payman interesado cashgayquita ninayquipaj? Shumajraj mana reguir jucla ima sientishgayquita niptiquega, mana tantiacoj runatanochi ricashunqui (Prov. 29:20). Pero, cuentata gocuptin payman interesado cashgayquita y achca tiemputaraj shuyaranqui ninayquipaj noviayqui cananpaj, capaz yarpanman mana seguro cashgayquita (Ecl. 11:4). Cayman yarpay, pilamanpis interesado cashgayquita ninayquipäga manami convencidurächu canayqui paywan casacunayquipaj. Ichanga quiquiqui convencido caycanquiman preparado cashgayquita casacunayquipaj y capazchi payga ali maja canman gampaj. ¿Imataraj ruranquiman gamman pilapis interesado caycashganta ricaptiqui? Gam paywan imatapis mana munaptiquega, rurayniquicunacho chayta claro ricachicunquiman. Chayta mana rurarga, capaz yarpanman gampis payman interesado cashgayquita, y chayno mana captenga laquicuypämi canman (Efes. 4:25). w24.05 22, 23 parr. 9, 10