¿Jesús kʼacha runallachu karqa?

Bibliaj kutichisqan

Jesusqa mana kʼacha runallachu karqa. Chayrayku ni pimantapis paymanta jinaqa parlakunchu. Jesusmantaqa wakin historiadores, may rejsisqa qhelqajkunapis kay jinata nerqanku:

“Nazaretmanta Jesusqa [...] tukuy runasmanta nisqa aswan rejsisqa” (H. G. Wells, historiador británico).

“Kay jallpʼa patapeqa ni pi runapis [Jesús jina] karqachu. Paymantaqa runas astawan astawan parlashallankupuni” (Kenneth Scott Latourette, historiador estadounidense).

Bibliaqa willawanchej imajtinchus Jesús allin kajta ruwaj runasmanta aswan rejsisqa kasqanta. Uj kuti Jesusqa kay jinata amigosninta taporqa: “¿Pi kasqaytataj ninkichej?”, nispa. Paykunamanta ujninkutaj kay jinata kuticherqa: “Qanqa Cristo kanki, kausaj Diospa Wawan”, nispa (Mateo 16:16).