¿Yachayta munawajchu imaynachus 2024 wata kananta? | ¿Imatá Biblia nin?

2024 wataqa ashkha problemaswan qallarishan, ashkha runastaj yuyanku mana allinchakunanta. Jinapis aswan qhepamanqa uj sumaj kausay kanqa. ¿Imajtín chayta ninchej?

Bibliaqa uj suyakuyta qowanchej

Kay tiempopi imaymana llakiykuna kasqanrayku ichapis wañupuyllataña munasunman. Jinapis Bibliapeqa nin Dios tumpamantawan chay tukuy llakiykunata chinkachinanta. Apocalipsis 21:4 nin: ‘Ñawisninchejmanta tukuy waqayta pichanqa, manañataj wañuy kanqachu, nitaj llakiypis, nitaj waqaypis, nitaj nanaypis’, nispa.

Astawan yachakunaykipajqa “La esperanza real de un mañana mejor nisqa yachaqanata leeriy.”

¿Imaynatá Biblia kay tiempopi yanapawasunman?

Biblia tumpamantawan allin kausay kananta nisqanqa, yanapasonqa mana llakiykunasniykiwan atipachikunaykipaj, tukuy imapis allinyananta suyakunaykipajpis (Romanos 15:13). Chantapis Bibliaj yuyaychaykunasnenqa yanapallasunkimantaj ima llakiykunaspichus tarikushanki chaypi. Ichá llakikushanki imastachus necesitasqaykita pisichikusqaykimanta, wajkuna qhasillamanta sufrichisusqankumanta chayri onqosqa kasqaykimanta.

Uj runaqa wajcha familiapi wiñakorqa. Jinapis Bibliapi uj sumaj kausay kasqanta nisqanqa, payta yanaparqa kusisqa kananpaj sonqo tiyasqataj kananpaj. Chayta kay videopi qhawariy Juan Pablo Zermeño: Jehová Diosqa imapajchus kausanayta yachachiwan.
Bibliaqa yanapasunkiman familiarniykimanta pillapis wañupojtin, jinallataj sonqoyki juchachasojtin, phutisqa kajtiyki chayri llakiymanta ni imanakuyta atejtiyki. Chaypajqa kay yachaqanata leeriy “¿Puedo encontrar consuelo en la Biblia?”.
Ejercitomanta uj soldado warmi nerqa kausaynin llakiylla kasqanta, rumi sonqotaj kasqanta. Imaynatachus payta Biblia yanapasqanta kay videopi qhawariy “Cambié las armas por la Biblia”.

¿Munawajchu kay 2024 watapi qantawan familiaykitawan allin risunaykichejta? Bibliaqa allin risunaykichejpaj yanapasunkichejman. Mana pagaspalla Jehovaj testigosninwan Bibliamanta yachakuy. Bibliata estudiaspaqa reparanki Diosninchej kunanpis ‘aswan qhepamanpis allinta kausakunanchejta’ munasqanta (Jeremías 29:11).