¿Imaynatá kallpacharinapaj jina sumajta comentasunman?

Tantakuykunasninchejpeqa hermanosta kallpacharillasunmantaj comentariosninchejwan (Heb. 10:24, 25). ¿Imatá ruwasunman comentariosninchej sumajta kallpacharinanpaj jina kananpaj?

• Jehovamanta mañakuna. Payta jatunchanapaj jina, wajkunata kallpachanapaj jinataj comentanapaj yanapanawanchejta mañakuna (Sal. 35:18).

• Kallpachakuna mana parrafollamanta watejmanta leenapaj. Jehovapi creesqanchejta parlakusqanchejman jinalla comentaspaqa, uyarejkunata astawan yanapanchej.

• Pisi parlayllapi comentana. Pisi palabrasllapi, nitaj tukuynin parrafomantachu comentaspaqa wajkunata astawan kallpachanchej, saqeshanchejtaj wajkunapis comentayta atinankuta (Pro. 10:19).

• Kallpachanapaj jina comentana. Comentashaspaqa ama hermanosta kʼaminapaj jinachu, nitaj thutuspa jinachu comentana.

Mana comentariota qowajtinchejpis wajkunata kallpachayta atisunman. ¿Imaynatá chayta ruwasunman? Comentariosninkuta sumajta uyarispa, chaymantataj comentasqankumanta imachus gustawasqanchejta nispa (Pro. 10:21).