Manaén: Jehovata yupaychayta kausayninchejpi ñaupajman churana

Ñaupa cristianospa tiemponkupi Antioquiamanta congregacionta ñaupajman apajkunamanta ujnenqa Manaén karqa. Hechos 13:1 nin “rey Herodespa yachakoj masin” kasqanta. Chaypi reparanchej Manaenqa sumaj yachachisqa kasqanta, chantapis ichá qhapaj familiapi uywasqa karqa.

Jinapis Manaenqa cristiano kayta ajllakorqa, congregacionpitaj tukuy atisqanta yanapakorqa. Payqa mana sumajta yachasqanmanta, nitaj qhapaj runasta rejsisqanmanta valekorqachu hermanos ukhupi aswan importante kananpaj, astawanpis tukuy atisqanta hermanosta yanaparqa.

¿Imatá Manaenmanta yachakunchej? Jehovata sirviy aswan importante kasqanta, kay mundopi rejsisqa kayta, qhapaj kayta maskʼanamanta nisqaqa. Astawan estudiayta jatunpaj qhawanchej, jinapis mana qonqapunchejchu Jehovaman qayllaykunapaj imaspuni “aswan allin imas kasqanta”. Chantapis allinta qhawarikunchej chayta ruwanapaj ni ima jarkʼanawanchejpaj (Fili. 1:9, 10). Manaén jinallataj noqanchejpis Jehovata yupaychayta ñaupajmanpuni churanchej (Mat. 6:33).