Abdías: Diosta manchachikuna

Abdiasqa rey Achabpa wasinmanta cargoyoj karqa. Chay sajra rey Achabtaj saqellarqa nacionnintinpi Baalta yupaychanankuta. Abdiastaj “wawamantapacha” yachakorqa Diosta manchachikuyta. Chayrayku manapuni imatapis sonqonta nanachinanpaj jina ruwayta munajchu (1 Rey. 18:1-13). Reina Jezabel Jehovaj tukuynin profetasninta wañuchinankuta kamachejtin, Abdiasqa yacharqa mana manchachikuspa paykunata jarkʼananta. Jinapis uj profetata pakayllaraj may peligroso karqa. Abdiastaj 100 profetastapuni pakarqa, mikhunatataj qorqa nacionnintinpi sinchʼi yarqhay kashajtinpis. Reina Jezabelpajqa ashkha llulla profetas trabajaj kanku. Chayrayku Abdiasqa imatachus mana ruwarqapischu mana japʼichikunanpajqa (1 Rey. 18:19).

¿Imatá Abdiasmanta yachakusunman? Payqa Achabta manchachikuspapis Diosta astawan manchachikorqa. Chaytaj kallpata qorqa kausayninta wañuy pataman churanan kajtinpis hermanosninta jarkʼananpaj. Sichus tiyakunchej chaypi Jehovaj testigosnin prohibisqa kashanchej chayqa, Diosninchejta astawan manchachikunanchej tiyan. Chay kallpata qowasunchej llakiypi tarikoj hermanosninchejta yanapanapaj.