Kaunopada Pasapeng Kangoang kan

Kitail ahneki pwais kaselel en kangoange riatail Kristian kan sang atail pasapeng ni atail mihting kan en mwomwohdiso. (Ipru 10:​24, 25) Ia duwen atail kak kaunopada pasapeng kan me pahn uhdahn kangoange meteikan?

• Kapakapohng Siohwa. Peki en ketin seweseiuk en kaunopada pasapeng ehu me pahn kawauwih ih oh kangoange meteikan.—Mel. 35:18.

• Song en dehr wadekete dahme mi nan sawaspen Paipel kan. Ni omw kin pasapeng sang ni pein omw lokaia, meteikan pahn paiekihda ar rong omw kasalehda omw pwoson Siohwa.

• Pasapeng ni mwotomwot. Pasapeng me mwotomwot oh mengei me kin kalapw kangoange meteikan oh pil kihong me tohto ahnsou mwahu ren iang pasapeng.—Lep. Pad. 10:19.

• Koasoia mehkot kangoang. Dehr song en pasapeng pwehn kaweid de kadeik mwomwohdiso de riomw Kristian men.

Mehnda ma ke sohte likwerda pwehn pasapeng, ke pil kak kangoange meteikan. Rong kanahieng ni ar pasapeng oh mwuhr padahkihong irail dahme ke perenki sang arail pasapeng kan.—Lep. Pad. 10:21.