Ia Mwomwen Wia Pasapeng Mwahu

Pasapeng mwahu kin kakehlakahda mwomwohdiso. (Rom 14:19) Irail me pasapeng kan pil kak paiekihda. (Lep. Pad. 15:23, 28) Ihme kahrehda, kitail anahne song en pasapeng pak ehu nan ehuehu mihting. Kitail sohte pahn pilipilda ahnsou koaros me kitail kauwada pehtail. Ihme kahrehda, e pahn mwahu en kaunopada pasapeng tohto.

Pasapeng mwahu ehu . . .

• kin mengei, sansal, oh mwotomwot. Pali laud en ahnsou, e kak wiawi seken 30 de mwotomwotsang

• kin mwahu en doadoahngki pein omw lokaia

• sohte kin anahne en kapwurehiong pasapeng me ahpwtehn wiawi

Ma kowe me tepin likwerda . . .

• wia pasapeng mengei oh me pahn sapengalahte peideko

Ma peideko pasapenglahr, ke kak . . .

• kasalehda ehu iren Paipel me kileldi oh ia duwen eh pidada ireo me koaros wie koasoakoasoia

• koasoia ia duwen ireo eh pidada atail mour

• kawehwehda ia duwen ireo eh kak kadoadoahk

• ni mwotomwot kasalehda soahng ehu me wiawi me pahn kasansalehda ire kesempwalo