“Raeteous Front lo God”

ZECHARIAH hem wanfala lo olketa priest wea kam from famili laen blo Aaron. Wanday, Zechariah bae duim wanfala important samting, wea datwan hem turn blo hem for offerim incense lo golden altar insaed temple. Diswan hem barava spesol privilege bikos wanfala priest maet offerim incense lo temple wanfala taem nomoa lo full laef blo hem. So Zechariah and beloved waef blo hem, Elizabeth mas hapi tumas lo datfala day.

Zechariah and Elizabeth marit for staka year finis and tufala kasem staka blessing from Jehovah, bat wanfala samting nao tufala barava laekem bat tufala no garem. Tufala laek for garem pikinini, and lo taem blo Bible, datwan hem important samting for olketa. Zechariah and Elizabeth “tufala evriwan olo nao.” Bat Bible storyim hao tufala “raeteous front lo God.” So tufala gohed prea lo God blo tufala and tufala sure dat hem herem prea blo tufala nomata tufala no hope nao for garem eni pikinini.

Taem evriwan gohed prea aotsaed, Zechariah wakabaot go insaed lo temple. Imaginim hao insaed datfala big rum hem kwaet fogud, then seknomoa wanfala angel blo Jehovah hem appear front lo hem, datfala angel standap saed lo altar blo incense! Hem talem Zechariah dat God herem olketa prea blo hem and bae Elizabeth babule and bornem wanfala son. And hem mas nemim datfala pikinini lo John. Hem bae growap and garem “sem spirit and paoa olsem Elijah.” Hem bae duim wanfala spesol waka for redyim pipol for kam bak lo Jehovah.

From Zechariah daot, hem askem datfala angel for showim hem wanfala saen for pruvim wat hem talem hem tru. Then datfala angel tok olsem for stretem hem: “Mi nao Gabriel, wea standap front lo God evritaem.” Really, Zechariah shud no daotem disfala paoaful servant blo Jehovah. Then Gabriel talem dat Zechariah bae no savve toktok go kasem taem wea datfala promis blo God hem fulfill. So taem Zechariah kamaot from temple hem no savve toktok, bat hem mekem akson witim hand blo hem for olketa savve wat nao happen lo hem.

Then Zechariah explainim lo Elizabeth wat nao happen. And “bihaen datfala taem,” Elizabeth hem babule. Hem stap nomoa lo haos for faevfala month, bat lo mek-six month wanfala relative kam visitim hem, hem nao Mary, dota blo Heli from Nazareth. Taem Mary kam insaed lo haos, datfala baby hapi tumas and jamp insaed bele blo Elizabeth. Lo datfala taem, Elizabeth kasem holy spirit and hem kolem Mary “mami blo Lord blo mi.” Hem savve dat Mary babule and datfala pikinini bae kamap Messiah. Winim for jealous, Elizabeth strongim Mary for redi for duim assignment blo hem.

Taem Elizabeth bornem baby, olketa relative and neiba blo hem kam and laekem hem for mas nemim datfala baby boy lo dadi blo hem. Bat Elizabeth savve finis wat Gabriel talem lo hasband blo hem: “Iu mas nemim hem John.” So hem no laek followim wat olketa talem, hem sei: “Nomoa! Nem blo hem bae John.” From olketa no agree lo wat Elizabeth talem, olketa askem Zechariah. Nomata hem no savve toktok, hem raet olsem lo wanfala tablet: “Nem blo hem John.” Semtaem nomoa, Zechariah savve toktok nao.

Zechariah fulap lo holy spirit and start for talem profesi. Hem talem wanfala message abaotem hope, wei wea olketa bae kamap free, and kasem mercy blo Jehovah. Hem sei son blo hem, John bae “go firstaem lo Jehovah for redyim road for hem.” And hem nao wat happen. John Baptaesa nao go first lo Messiah for redyim pipol for acceptim message blo Jesus abaotem Kingdom blo God.

Taem Messiah kam, hao pipol blo God deal witim olketa wea no worshipim Hem and olketa wea againstim pipol blo Hem, bae barava change. Lo bifor, staka lo olketa servant blo God showimaot courage taem olketa iusim olketa weapon lo war for faet againstim olketa enemy blo Jehovah lo earth. Bat wanfala niu change hem redi for happen, Jehovah bae no askem olketa pipol blo hem lo earth for faet lo olketa kaen war olsem bifor. Nomata olsem, olketa still need for garem courage. Olsem Zechariah and Elizabeth, olketa wea acceptim Messiah bae need for iusim toktok blo olketa wea hem spesol present, for givim glory lo Jehovah God and sharem gud nius abaotem Jesus Christ.

Readim story hia lo Bible:

• Luke 1:​5-25, 36-45, 57-80

For discussim:

Lo olketa wanem wei nao Zechariah and Elizabeth showim tufala no fraet?

Dig Go Moa

1. 1. Nomata Zechariah and Elizabeth no perfect, why nao Bible sei tufala “evritaem duim stret samting”or no garem blame? (Luke 1:6; it “No Garem Blame” ¶2-wcgr)

   Ansa blo iu

1. 3. Gabriel talem Zechariah for nemim son blo hem lo John. Wat nao datfala nem John minim? (it “John” ¶1-wcgr)

   Ansa blo iu

2. 4. Hao, taem Zechariah no savve toktok, hem earpas tu? (w08 3/15 30 ¶6)

   Ansa blo iu

Ting Raonem Hao Leson Hia Helpem Iu

• Lo taem blo Zechariah, olketa teacher blo Jew religion savve allowim man for divorcem waef blo hem if hem no bornem eni pikinini. Wat nao olketa hasband savve lanem from example blo Zechariah abaotem wei for loyal lo marit partner? B

  Ansa blo iu

  

• Elizabeth loyal for sapotim wat hasband blo hem talem nomata hem kasem pressure from olketa neiba and relative. (Luke 1:​58-61) Wat nao olketa waef savve lanem from example blo hem?

  Ansa blo iu

• Lo olketa wanem wei nao iu savve followim courage wea Zechariah and Elizabeth garem?

  Ansa blo iu

Ting Raonem Wei blo Jehovah and Purpose blo Hem

• Wat nao disfala story teachim mi abaotem Jehovah?

  Ansa blo iu

• Hao nao disfala story hem join witim olketa purpose blo Jehovah?

  Ansa blo iu

• If Zechariah and Elizabeth resurrect lo earth lo future, wat kaen kwestin nao mi laek for askem lo tufala?a

  Ansa blo iu

Lanem Moa Samting

Lukim taem Zechariah savve toktok moa and hem iusim toktok blo hem for praisem God.

“Nem blo Hem John” (6:59)

Taem Mary visitim Elizabeth hem kasem strong from Jehovah, wat nao iumi lanem from datwan?

“Jehovah Bae Mekem Iu Strong?” (w23.10 14-15 ¶10-14)