Faiza Seid hem prison lo Eritrea since June 2009

Olketa Jehovah’s Witness wea Stap lo Prison Bikos lo Faith blo Olketa—Location

Kasem March 2026, winim 275 lo Olketa Jehovah’s Witness worldwide olketa stap lo prison bikos lo faith blo olketa.

Article 18 blo International Covenant on Civil and Political Rights hem givim raet for man free for talem tingting, followim konsens, and religion blo hem. Bat, lo samfala kantri, samfala gavman denyim raet wea Olketa Jehovah’s Witness garem, putim olketa lo prison and mistreatim olketa bikos lo faith blo olketa or bikos olketa no joinim military service.

Russia

Lo April 2017, Russian Supreme Court banim and liquidatim legal entities blo Olketa Jehovah’s Witness, bikos olketa sei olketa involve lo extremist activities. Gavman klosim daon and confiscatim olketa ples for worship and banim tu pablikeson blo olketa. Russian authorities start for targetim tu individual Jehovah’s Witness, olketa sei worship blo individual Jehovah’s Witness hem connect witim organization wea olketa banim. Taem police reidim haos blo olketa Witness, staka taem olketa abusim olketa, raf taem olketa interrogatim olketa, and even arrestim olketa. Currently, samting olsem 171 Jehovah’s Witness nao stap lo pretrial detention, forcem olketa for waka hard lo prison olsem panisment, or tekem olketa go stret lo prison afta olketa convictim olketa and stap kasem taem olketa markem for release.

Click lo hia for daonlodim list blo Olketa Jehovah’s Witness wea currently olketa prison bikos lo faith blo olketa lo Russia.

South Korea

Lo October 26, 2020, South Korea introducem alternative civilian service (ACS) for olketa conscientious objector. Bat, samfala pipol sei disfala alternative civilian service program hem harsh and hem unfair bikos hem gohed for 36-months, wea diswan hem dabol lo length blo active military service. Nomata samfala kot filem complaints, lo 2024 Constitutional Court blo South Korea hem disaed for mekem disfala alternative civilian service program hem legal and for hem continue. Staka lo olketa Jehovah’s Witness male lo South Korea disaed for acceptim disfala ACS nomata hem tek longtaem and hem hard tumas. Kasem distaem, 15-fala young brata no acceptim disfala ACS program. Lo olketa hia, wanfala hem lo prison and samfala still weitim trial blo olketa and maet afta bae olketa go lo prison.

Click lo hia for daonlodim list blo Olketa Jehovah’s Witness wea currently olketa prison bikos lo faith blo olketa lo South Korea.

Ukraine

For almost 30 years, Olketa Jehovah’s Witness lo Ukraine benefit from wanfala law wea allowim pipol for refuse for duim military service bikos lo religious biliv blo olketa or lo eni nara samting. Taem war lo Ukraine hem start lo February 24, 2022, datfala kantri askem olketa citizen blo hem for joinim military. Bat datfala law no talem klia for pipol chusim alternative civilian service taem war hem gohed. From datwan, olketa tekem staka wea refuse for joinim military lo kot and bihaen sendem olketa go lo prison. Currently, eitfala Witness nao stap lo prison and sevenfala lo pretrial detention. Thrifala UN Special Rapporteurs talemaot dat olketa concern abaotem hao Ukraine hem no provaedem alternative civilian service.

Click lo hia for daonlodim list blo Olketa Jehovah’s Witness wea currently olketa prison bikos lo faith blo olketa lo Ukraine.

“Tingim olketa wea stap lo prison olsem iu tu lo prison witim olketa.”—Hebrews 13:3.