Imaginim Olketa Story lo Bible

Bible garem staka tru story wea savve teachim iumi olketa important leson. Taem iumi trae for imaginim olketa story hia, datwan savve helpem iumi for minim gud wat iumi readim and bae iumi kasem gud samting from datwan. Diswan hem samfala idea for helpem iu imaginim olketa story lo Bible.

• Read big. Wei for read big taem iu readim Bible savve helpem iu for imaginim klia olketa difren scene. Taem famili readim Bible, iufala savve mekem datfala story laef taem each wan lo iufala readim toktok blo olketa difren character.

• Imaginim olketa scene insaed. Trae for minim tingting and feeling blo olketa character insaed lo story. For example, ting raonem olketa kwestin olsem: ‘Why nao datfala person talem or duim datfala samting? If mi lo datfala situation, wat nao bae mi tingim or hao nao bae mi feel?’

• Draw or sketch. Wei for drawim olketa scene lo Bible savve helpem iu for imaginim and no forgetim olketa story lo Bible, nomata if wat iu drawim hem no barava luk naes.