Ntsanja ya Babele

Chigumula pachidamala, wana wa Nowa adabeleka wana azinji. Patsogolo pake, adayamba kukhala m’madera yosiyanasiyana padziko yapasi. Ndawa vimwevi ni vomwe Yahova adawauza.

Koma wanthu anango alibe kumubvera Yahova. Iwo adauzana kuti: ‘Naboni timange thaundi kuti timbandokhalamo. Timange ntsanja itali mpakana ikafike kudzulu, tikachita teno tibvekere maninge.’

Yahova alibe kukondwa na vomwe wanthu mwawa adachita ndipo adaganiza vowalambiza. Ko unkudziwa vomwe adachita? Adachitisa kuti mwadzidzidzi wanthu mwawo ayambe kuyankhula viyankhulo vosiyanasiyana. Pakuti ambakwanisalini pomwe kubvana adasiya basa yomanga mwiyo. Thaundi yomwe ambamanga imbachemerewa kuti Babele kutanthauza ‘chisokonezo.’ Manje wanthu mwawo adayamba kumwanzana ndipo adapitiriza kuchita vinthu voipa m’madera yosiyanasiyana yomwe ambakhala. Ko penze anango omwe ambakonda Yahova? Tidzakambirane vimwevi mu msolo unkubwera.