Ko mwakonzeka kumatsoka yomwe yangabwere?

Pomwe mapeto yankufendera, tinkudikhira kuti kupiringana kwa wanthu, ugananga na nkhondo viingizirike. (Chv 6:4) Ko tingadzikonzekerese tani ku mabvuto ya kutsogolo?

• Dzikonzekereseni mwauzimu: Fagani mpfundo na vochitika va m’Baibolo vomwe vingakuthandizeni kulimbisa ushamwali wanu na Yahova pabodzi na gulu yake, koma soti vomwe vingakuthandizeni kusangenerera mundale. (Miy 12:5; jr-CN tsa. 125-126 ndi. 23-24) Ino ni nthawe yolimbisa ushamwali wathu na abale na alongo mu mpingu.—1Pe 4:7, 8

• Dzikonzekereseni mwakuthupi: Konzekerantoni malo yothawira na kusungiratu chakudya. Kuingizira mwapa, konzekerantuni momwe mungathawire. Onanipomwe chola chanu chamungadzathawe nacho, peno chinavinthu vose vodzitetezera na mali. Chitirantoni makonzedwe ya momwe mungambadzayankhulire na akulu.—Yes 32:2; g17.5-CN tsa 3-7

Nkati mwa chipiringu, pitirizani kuchita vinthu vauzimu. (Afi 1:10) Pewani kufulukafuluka kuchosapo ngati achita kukufulusani. (Mt 10:16) Mumbagawane na anzanu vakudya pabodzi na vinthu vinango.—Aro 12:13.

NYANG’ANIRANI VIDIYO YAKUTI  KO NDIMWE WOKONZEKA KU MATSOKA? NDIPO IKAPERA DAWIRANI MIBVUNZO AYA:

• Ko Yahova achatithandiza tani isepano pa nthawe ya mabvuto?

• Ko ninjira zodekana ziponi zomwe mungachite pakukonzekera?

• Ko tingathandize tani anango womwe wakhudziwambo na mabvuto?