“Pitirizani kukhala wokonzeka kumapeto kwa ‘ntsiku zomalizira”

Pomwe tinkupirira kumapeto kwa ‘ntsiku zomalizira’ zino, tingadikhire kuti mabvuto yapitirize kuwanda maninge. (2Ti 3:1; Mt 24:8) Wanthu wa Yahova akagumana na matsoka yachilengedwe, mwakankulumize achatambira malangizo yopulumusa. Vakuti tidzapulumuke chikadzachitika vingathembe kukonzekera kwathu manjeuno mwauzimu na mwakuthupi.​—Lu 16:10.

• Konzekerani mwauzimu: Khalani na ndandanda yabwino yopfunzira Baibolo pamwekha. Pfunzirani njira zosiyana-siyana zolalikirira. Ayi kuchita mantha maninge peno kwakanthawe mwatayana na anzanu wamumpingu. (Yes 30:15) Dziwani kuti mulibe kutayana na Yahova na Yesu.​—od-CN tsa. 176 ndi. 15-17

• Konzekerani mwakuthupi: Kuthimizira pa kukhaliratu na chola cholongedza-longedza, munthu aliyese ambasungiretu chakudya, madzi, mankhwala na vinthu vinango vomwe vingasungike kwanthawe itali.​—Miy 22:3; g17.5-CN tsa. 4, 6

NYANG’ANIRANI VIDIYO YAKUTI KO NDIMWE WOKONZEKA KU MATSOKA YA CHILENGEDWE? NDIPO IKAPERA DAWIRANI MIBVUNZO AYA:

• 

  Ko tingakonzekere tani mwauzimu ku matsoka yachilengedwe?

• 

  Ndawa chani tichadekana . . .

  • kumbayankhulana na akulu nthawe na nthawe?

  • kukhaliratu na kachola kolongedza-longedza?

  • kukambirana khaindi ya vivomezi vomwe vingachitike mudera yathu na kuwona vatingachite?

• 

  Ni njira zitatu ziponi zatingathandizire womwe agwerewa na matsoka yachilengedwe?

DZIBVUNZENI KUTI: ‘Ko nthenda ya COVID-19 yanipfunzisa chani pankhani yokhala wokonzeka?’