Bvumani thandizo yomwe Yahova atipasa tikapemphera

Yahova ndiye achachitisa kuti mbewu ya choonadi ikule na kuzika mizu mumtima mwa munthu. (1Ak 3:6-9) Ndipomwapa peno tinkufuna kuti vitifambire mu umboni, tichadekana kukumbira Yahova kuti athandize isepano na mapfunziro yathu ya Baibolo.

Mukumbireni Yahova kuti athandize mapfunziro yanu kupirira viyeso na kugwebana na vopinga. (Afi 1:9, 10) Tomolerantuni vomwe munkufuna. Kumbirani mzimu wakuchena kuti utsogolere maganizo na vochita vanu. (Lu 11:13) Apfunziseni wopfunzira wanu momwe angapempherere, ndipo alimbikiseni kuti ambapemphere. Mumbawapempherere, kupemphera nawo pabodzi ndipo mumbatomole dzina yawo pakupemphera.

NYANG’ANIRANI VIDIYO YAKUTI GUMANANI CHIMWEMWE PAKUPFUNZISA WANTHU—BVUMANI THANDIZO YOCHOKA KWA YAHOVA—PEMPHERO, NDIPO IKAPERA DAWIRANI MIBVUNZO AYA:

• Ko Neeta wagumana na bvuto iponi pakupfunzira na Jade?

• Ko lemba ya 1 Akorinto 3:6 yamuthandiza tani Neeta?

• Nchani chathandiza kuti bvuto ya Neeta imale?