Mwakupereka chitsanzo

Tikambachita maulendo yobwereza panango kuchitisa mapfunziro ya Baibolo, tichadekana kuthandiza wobvesera wathu kubvesa mpfundo zikulu-zikulu. Mwakupereka chitsanzo pa mpfundo zimwezi, tingawafike pamoyo ndipo angayebwelini vomwe apfunzira.

Mukambakonzekera kukachitisa ulendo wobwereza panango kuchitisa pfunziro, wonerantoni mpfundo zikulu-zikulu, osati zapadzuludzulu chabe basi nkuziperekera chitsanzo. Patsogolo pake, perekani chitsanzo chosashupa kubva chobverana na moyo wa ntsiku na ntsiku. (Mt 5:14-16; Mko 2:21; Lu 14:7-11) Tsimikizirani kuti munkudziwa bwino basa ya munichiro muyi na momwe vinthu viriri pamoyo wake. (Lu 5:2-11; Yoh 4:7-15) Imwepo mudzakhale na chimwemwe chikulu maninge pakuwona momwe iye ankukondwera ndawa yobvesa mpfundo.

NYANG’ANIRANI VIDIYO YAKUTI GUMANANI CHIMWEMWE PAKUPFUNZISA WANTHU​—INGIZIRANI BUYA YANU—​MWAKUPEREKA CHITSANZO, NDIPO IKAPERA DAWIRANI MIBVUNZO AYA:

• 

  Ndawa chani mapfunziro yachadekana kuthandiziwa kuti yabvese mavesi ya m’Baibolo?

• 

  Ko Neeta wapereka chitsanzo chiponi kuti abvekese lemba ya Aroma 5:12?

• 

  Ko wobvesera wathu angaphindule tani tikawapasa chitsanzo?

• Tikakhala mu umboni, ndawa chani tichadekana kuphatisa basa mavidiyo na vinthu vinango vokonzewa na gulu ya Yahova?