Dziko ili pa mabvuto Ko tingachite chani?
Ko munkuwona kuti ntsiku zino munkubonera maninge na mabvuto kuposha kale? Ko mabvuto yomwe yali mnyantsi aya yankuchitikambo komwe munkukhala?
nkhondo
miliri
ngozi za nchilengedwe
kusauka
kuzondana
uchigananga
Vinthu vogopsa vikachitika, wanthu azinji akhala na mantha ndipo akhala alibe chidikhiro. Wanthu anango akagumana na mabvuto yakulu, asokonezeka maninge. Koma kusokonezeka maninge tene na kukhala na mantha nthawe ikulu kuyingizira mabvuto.
Mukagumana na mabvuto muchadekana kuchita vinthu mwa nzeru kuti muteteze anzanu, thanzi yanu, kobiri zanu komasoti vomwe vikuthandizani kuti mumbakhale okondwa.
Ko mungachitetani kuti muleke kumbagumana maninge na mabvuto yomwe yabwera ndawa ya vomwe vichitika m’dziko iyi?