Pitirizani kutewedza ndandanda yanu yowerenga Baibolo ntsiku iriyose

Ndawa ya basa zosiyanasiyana, ko imwepo mushupika kutewedza ndandanda yanu yowerenga Baibolo? (Yos. 1:8) Peno nteno, yesani njira izi:

• Ikhani nthawe kuti mumbakumbukire. Ikhani alarme mu foni yanu kuti imbakukumbuseni nthawe yowerenga Baibolo.

• Ikhani Baibolo yanu pa malo yowonekera. Peno muphatisa basa Baibolo yochita kudindiwa, ikhani pa malo yowonekera kuti mumbaione ntsiku zose.—Deut. 11:18.

• Bveserani Baibolo yochita kutepewa. Mbabveserani pomwe munkuchita basa za ntsiku na ntsiku. Mayi munango dzina yake Tara, yemwe ni mpainiya ndipo aphata basa usiku, adati: “Kubvesera Baibolo yochita kutepewa pomwe ninkuchita basa za ntsiku na ntsiku, vinithandiza kuti nimbawerenge Baibolo ntsiku iriyose.”

• Ayi kufoka. Peno vinthu vinango vakusokonezani, werengani mavesi olo yang’onong’ono ya m’Baibolo mukanati kugona. Olo kuwerenga pang’ono mavesi yochepa nikothandiza maninge.—1 Pet. 2:2.