Yesu “adapfunzira kubvera”

Yesu ambabvera Yahova nthawe zose. (Yoh. 8:29) Manje ndawa chani Baibolo inena kuti: “Adapfunzira kubvera ndawa ya mabvuto yomwe adagumana nayo”?—Aheb. 5:8.

Ali pano pa dziko yapasi, Yesu adagumana na mabvuto yomwe kudzulu kulibe. Mwakulinganiza, azibereki wake ambakonda Yahova, koma ambaphonyesa vinthu. (Luka 2:51) Adadzudziwa na atsogoleri wa chipembedzo womwe ambachita vinthu mwachinyengo na maboma yomwe yambachitalini vinthu va chilungamo. (Mat. 26:59; Maliko 15:15) Koma iye “adakhala wodzichepesa ndipo adakhala wobvera mpakana kufa,” pa impfa yowawa maninge.—Afil. 2:8.

Vimwevi vidamupfunzisa Yesu kubvera pa vinthu vomwe iye alibe kugumana navo kudzulu. Ndipomwapa, iye ni woyenereradi kukhala Mpfumu komasoti Nkulu watsembe wa ungwiro yemwe angakwanise kutibvesa mabvuto yathu. (Aheb. 4:15; 5:9) Yesu adakhala wodekana maninge kwa Yahova patsogolo pakuti wapfunzira kubvera na mabvuto yomwe adagumana nayo. Isembo tingakhale wodekana maninge kwa Yahova komasoti woyenerera pa utumiki uliwose womwe angatipase tikapitiriza kukhala obvera pomwe tagumana na mabvuto.—Yak. 1:4.