Pfunzirani na cholinga chakuti muuzembo anango

Kupfunzira Baibolo kutilimbikisa. Koma tingalimbikisike maninge tikambauza anzathu vinthu vokomedza vomwe tavigumana pa pfunziro yathu. Lemba ya Miyambo 11:25 inena kuti: ‘Munthu wolimbikisa anango, alimbikisiwambo.’

Tikambauza anzathu vomwe tapfunzira, vithandiza kuti tikwanise kukumbukira bwinobwino mpfundo zomwe tapfunzira na kuzibvesa bwinobwino. Ndawa yodziwa kuti mpfundo zimwezo zingalimbikise anango, tikhala okodwa kuwauzambo.—Mac. 20:35.

Yesani kuchita ivi: Sondo inkubwera, nyang’anani njira yomwe mungauzire anango vomwe mwapfunzira. Mungachite vimwevi na azibale wanu, wanthu wa mumpingo wanu, munzanu waku basa, munzanu wa kushikola, shamwali wanu panango munthu yemwe mwagumana naye mu umboni. Yesani kuchita vimwevi pakuphatisa basa mawu yanuyanu komasoti munjira yosashupa kubva.

Kumbukirani kuti: Mudekana kuuza anzanu vomwe mwapfunzira na cholinga chakuti muwalimbikise, osati na cholinga chakuti mudziwonese.—1 Akor. 8:1.