Kudezenyali kuti mukwanise kukumbukira

Ninge azinji ise, panango imwepo vikushupanimbo kukumbukira vomwe mwapfunzira. Ko mukwanisa kuona kuti mafanizo ya Yesu ni yosashupa kukumbukira? Mungakwanise kuyaona m’maganizo mwanu ndipo vimwevi vikuthandizani kukumbukira vomwe adapfunzisa. Nchibodzibodzimbo, imwepo mungakumbukire vizinji vomwe mwapfunzira pophatisa basa mafoto yowoneka. Ko mungachite tani vimwevi? Pa kudezenyali vomwe munkupfunzira.

Wanthu omwe adezenyali vinthu vinyowani vomwe apfunzira viwathandiza kukumbukira bwinobwino. Iwo aona kuti njira mweyi ni yothandiza osati kundobvesa mawu yomwe ankuyabvesalini koma iwathandiza pomwe kubvesa mpfundo zikuluzikulu zomwe ankupfunzira. Iwo adezenyalirini mwa luso koma vomwe adezenyali ni vosashupa ndipo viwathandiza kubvesa. Vinkuwonesa pomwe kuti wachikulire angaphindule pomwe na njira mweyi.

Manje mukambadzachita pfunziro yanu dzayeseni kudezenyali mafoto ya vomwe munkupfunzira, ndipo mungadzadabwe kuona momwe vidzakuthandizireni kukumbukira vomwe mwapfunzira!