Nkhani chaiyo

Kuonesa chikondi kwa wanthu wose

Ntsiku inango, mulongo munango wa ku Nova Zelândia adanyang’anira vidiyo yakuti “Tizisamalirana,” pa saiti ya jw.org. Vidiyo mweyi inena kuti Yahova andobvalini chifundo kwa wanthu koma achawathandiza. (Yes. 63:7-9) Mulongo moyu adaganiza kuti achite vomwe adapfunzira mu vidiyo mweyi nakuti agumane mpata woonesa chifundo kwa anango. Ntsiku ibodzibodzi mweiyo, adayenda ku bazali ndipo adagumana m’mayi munango wosowa pokhala. Adadzipereka kuti amugulire chakudya ndipo iye adabvuma. Pomwe mulongo moyu adabwera kudzatula chakudya, adagumana mwayi wakuti amulalikire pakuphatisa basa kapepa kakuti: Ko kubonera kuchadzamala?

Iye adanena kuti adakulira m’banja ya Mboni koma wenze adasiya kusonkhana kwa magole yazinji. Koma chamanjemanje iye wenze adapemphera kwa Yahova kuti abwererepomwe kwa iye. Mulongo ule adamupasa Baibolo ndipo adapangana kuti ayambe kupfunzira.a

Ninge Yahova, isembo tingakwanise kuwonesa chifundo kwa wanthu anango kuphatanidzapo abale na alongo mumpingu. Kuingizira mwapa tinganyang’anepomwe njira zinango zakuti tiwonesere chifundo zomwe ni kuyakhula va Yahova kwa wanthu anango.