Vamungachite popfunzira

Pfunzirani “nyimbo zauzimu” na ntima wose

“Ntsiku zomwe nidzibva wofoka, Yahova anilimbikisa pakuphatisa basa nyimbo za JW Broadcasting^®.”—Lorraine, U.S.A.

Akhrisitu nthawe zose aphatisa basa “nyimbo zauzimu” pakutamanda Yahova. (Akol. 3:16) Peno imwepo mukonda kupfunzira kuyimba nyimbo na ntima wose, vidzakuthandizeni podiya pa nthawe yomwe mudzakhale mulibe bukhu ya nyimbo panango ya mu foni. Onani vinthu vomwe vingakuthandizeni kuti mumbasunge nyimbo zathu munsolo.

• Mbabvesesani bwinobwino vomwe nyimbo inkutanthauza. Vikhala vosashupa kuyikumbukira nyimbo mukambadziwa vomwe inkutanthauza. Nyimbo zathu zose zinamawu yochita kunemba ndipo zigumananika pa saiti yathu ya jw.org kuphatanidzapo nyimbo za Broadcasting na nyimbo za wana. Ngenani pomwe anemba kuti: “Laibulale” ndipo tinyanipomwe anemba kuti “Nyimbo.”

• Vingakhale bwino kukopiyalimbo nyimbo mwezi. Vimwevi vingachitise kuti nyimbo mwezi mumbazisunge munsolo mwanu.—Deut. 17:18.

• Mbazipfunzirani mokuwa. Mbawerengani na kuyimba mokuwa.

• Mbayesani kuzikumbukira. Mbayesani kuyimba chosayang’ana pa bukhu ndipo tsimikizani kuti mwayimba bwinobwino.