Vamungachite Pakupfunzira

Ko muchadekana kuyamba kupfunzira chani?

Tose tikhala na nthawe yochepa maninge kuti tichite pfunziro ya patekha. Ko tingachite tani kuti tiyiphatise bwino basa nthawe mweyi? Pakuyamba, lekani kupfunzira vinthu vizinji. Shuwadi, ni vabwino kupfunzira vinthu pang’ono koma nkuvibvesesa bwinobwino. Kusiyana na kupfunzira vinthu koma osavibvesa bwino.

Chakuyamba salulani vinthu vomwe munkufuna kupfunzira. (Aef. 5:15, 16) Onani vomwe mungachite:

• Lewengani Baibolo ntsiku ili yose. (Sal. 1:2) Imwepo mungayambe kuphatisa basa ndandanda ya Utumiki na moyo wathu wachikhrisitu.

• Konzekerani pfunziro ya Ntsanja na misonkhano ya pakati pa sondo. Yesesani kukonzekera bwino kuti mukapereke ndemanga.—Sal. 22:22.

• Mukakhala na nthawe, yesesani kuphindula na chakudya cha uzimu chomwe chiripo. Mwakulinganiza, magazini yogawira, mavidiyo na nkhani zomwe zigumanika pa jw.org.

• Yesani kukhala na ndandanda ya pfunziro. Imwepo mungafage va bvuto yomwe munkugumana nayo, m’bvunzo womwe mulinaye panango va nkhani yomwe munkufuna kuyibvesa bwinobwino. Kuti mudziwe vizinji, onani gawo yakuti: “Werengani Baibulo pa Intaneti” pa saiti ya jw.org.