Momwe tingaphatisire basa mbali ya vomwe tinganene

Pali nkhani zizinji zomwe tingakambirane pa mbali yakuti vomwe tinganene, ndipo wofalisa azinji awona kuti zichakhala zothandiza maninge mugawo yawo. Ndawa yakuti vikhalidwe ni vosiyanasiyana padziko yose yapasi, wofalisa anaufulu wophatisira basa mu utumiki wawo njira zosiyanasiyana panango kusalula nkhani yomwe ingakhaledi yothandiza mu gawo yawo. Chodekana nchakuti tose tichadekana kutewedza malangizo ya ulaliki wapadera. Chakulinga chathu ni kukwanirisa basa yomwe Yesu adatilamula yolalikira ntontholo wabwino wa Ufumu.—Mat. 24:14.

Pakukamba nkhani za mu shikola, wofalisa achadekana kuphatisa basa mbali yakuti vomwe tinganene yomwe tiyigumana mu Utumiki na moyo wathu wachikhrisitu. Apo neye, peno iye alibe kuuziwa mbali yomwe angaphatisire basa, anaufulu wosalula mbvunzo, lemba, link pango nkhani yomwe ingakhaledi yothandiza mu gawo yawo. Vimwevi vinkuchinja vomwe viri mu ndandanda ya utumiki ya Junho 2020 pa tsamba 8.