Abereki, thandizani wana wanu kukhala na maganizo yabwino

Tinkukhala mudziko yomwe wanthu achawona kuti vinthu vabwino ni voipa ndipo voipa ni vabwino. (Yes 5:20) Vobvesa ntsisi ni vakuti wanthu achachita vinthu vomwe Yahova achavizonda, kuphatanidza kugonana kwa wanthu wavidzo volingana. Anzake wa kushikola wa mwana wathu panango wanthu anango angambamuchichimize kuti atengere makhalidwe yawo. Ko imwepo mungamukonzekerese tani mwana wanu kugwebana na mabvuto mwaya pabodzi na yanango yolingana na mwaya?

Thandizani mwana wanu kukhala na maganizo yobverana na mpfundo za Yahova. (Le 18:3) Pang’ono-pang’ono mobverana na nsinkhu womwe anawo, mupfunziseni mwana wanu vomwe Baibolo ichanena pankhani ya kugonana. (De 6:7) Dzibvunzeni kuti: ‘Ko nawapfunzisa wana wangu kukhala na makhalidwe yabwino, kudikana kovala vovala vopasa ulemu na kudikana kwakuti wanthu anango ambalemekeze vinthu vawo vachintsintsi? Ko wana wangu angachitetani peno munthu achada kumuwawonesa vinthu volawula panango akamuuza kuti achite vinthu vomwe Yahova achaviwona kuti ni voipa?’ Kukulumiza kuwapasa malangizo kungawathandize kuti aleke kugwera m’mabvuto. (Miy 27:12; Mla 7:12) Mukambapfunzisa wana wanu, imwepo mudzawonese kuti munachikondi kwa cholowa chakudikana chochokera kwa Yahova.​—Sl 127:3.

NYANG’ANIRANI VIDIYO YAKUTI MANGANI NYUMBA YANU KUTI IKHALE YOLIMBA​—TETEZANI WANA WANU KU ‘VINTHU VOIPA,’ NDIPO IKAPERA DAWIRANI MIBVUNZO AYA:

• 

  Ndawa chani anango achazeza kupfunzisa wana wawo nkhani za kugonana?

• 

  Ndawa chani azibereki achadikana kuwapfunzisa wana wawo ‘m’malangizo ya Yahova na kuwapfunzisa kaganizidwe kake’?​—Aef 6:4

• 

  Ko gulu ya Yahova yakonza chani chothandizira abereki pakupfunzisa wana wawo nkhani za kugonana?​—w19.05-CN tsa. 12, bokosi

• Ko ndawa chani muchadikana kukambirana na mwana wanu nthawe zose akanati wagumana na bvuto?