Mbapfunzisani mu njira yosashupa kubva

Vomwe Yesu adachita

VIDIYO: Yesu adawonesa momwe Ababa wathu achatisamalilira

1. Nyang’anirani VIDIYO, panango werengani Mateyu 6:25-27. Patsogolo pake ganizirani mibvunzo aya:

1. Ko Yesu adawonesa tani kuti Yahova achatisamalira?

2. Ndipo ndawa chani mweyi idakhala njira yabwino yopfunzisira?

Ko tinkupfunzira chani kwa Yesu?

2. Tikambapfunzisa mu njira yosashupa kubva, vikhala vophata ntima kwa wanthu ndipo ashupikalini kuvikumbukira.

Tewedzerani Yesu

3. Lekani kumbayankhula vizinji. M’malo mwa kumufotokozera vose vomwe munkudziwa pa nkhani inango, ndofotokozani vomwe viri m’bukhu yomwe munkupfunzira naye basi. Mukabvunza m’bvunzo, modekha mbadikhirani kuti wopfunzira wanu adawire. Peno ankukwanisalini kudawira mobverana na vomwe Baibolo ichapfunzisa, mbamupasani tumibvunzo toyingizira tomuthandiza kuganizira va nkhani mweyo. Akandoti waibvesa mpfundo iyo, basi yendani patsogolo.

4. Thandizani wopfunzira wanu kubveranisa vomwe munkufuna kumupfunzisa na vomwe ankudziwa kale. Mwakulinganiza, mukanati mwayamba kupfunzira naye nkhani ya kumukisiwa, mungayambe mwawona pomwe mwachigwato pa vomwe wopfunzira wanu ankudziwa kale pa vomwe vichitika munthu akafa.

5. Mbaphatisirani basa mafanizo mosamala. Mukanati mwafotokoza fanizo, dzibvunzeni kuti:

1. ‘Ko fanizo mweyi ni yopusa kubva?’

2. ‘Ko wopfunzira wangu angaibvese mosashupa?’

3. ‘Ko idzamuthandize kukumbikira mpfundo ikulu panango ambandodzakumbukira fanizo yokha basi?’