MSOLO 08

Imwepo mungakhale shamwali wa Yahova

Losindikizidwa

Imwepo muchakhala paushamwali na munthu yemwe mumudziwa. Chibodzibodzimbo na Yahova iye ankufuna kuti mukhale shamwali wake. Ndipomwapa iye achada kuti mudziwe makhalidwe yake. Achada pomwe kuti mudziwe momwe achachitira vinthu na chakulinga chake chabwino chakutsogolo. Yahova achadikhira kuti mukapfunzira maninge va iye mudzakhale naye paushamwali. Koma ko vingakwanisike kukhala paushamwali na Mulungu? (Lewengani Salimo 25:14.) Chani chomwe muchadikana kuchita kuti mukhale shamwali wake? Baibolo ichadawira mibvunzo mwaya, ndipo ichafotokoza ndawa yake ushamwali na Yahova ni chinthu chabwino maninge kuposha vose.

1. Ko Yahova akukuchemerani kuti muchite chani?

Baibolo ichati: ‘Fendererani Mulungu ndipo iye adzakufendererenimbo.’ (Yakobo 4:8) Vimwevi vinkuthandauza chani? Vikuthandauza kuti Yahova akukuchemerani imwepo kuti mukhale shamwali wake. Anango achati ningakhale tani paushamwali na Mulungu yemwe nichakwanisalini kumuona? Koma m’Baibolo Yahova achafotokoza momwe tingamudziwire, mu njira mweyi tingamufenderere iye. Tikambalewenga Baibolo ushamwali wathu na Yahova uchakhala wolimba podia kuti tingakwaniselini kumuona.

2. Ndawa chani Yahova ni Shamwali wabwino kuposha azishamwali wose?

Palibe munango achakukondani maninge kuposha Yahova. Iye achada kuti mukhale wokondwa nakuti mumbakumbire chithandizo chake. Imwepo mungakwanise ‘kumutulira nkhawa zanu zose, ndawa akubverani ntsisi.’ (1 Petulo 5:7) Yahova niwokonzeka kuthandiza, kunyamalisa na kubvesera azishamwali wake.—Lewengani Salimo 94:18, 19.

3. Nchani chomwe Yahova achadikhira kwa azishamwali wake?

Yahova achakonda wanthu wose koma iye ‘achakhala na ushamwali wapamoyo na wanthu wa mtima wabwino, panango kuti wachilungamo.’ (Miyambo 3:32) Yahova achadikhira kuti azishamwali wake achite khama pakuchita vinthu vabwino osati voipa. Anango achaganiza kuti: ‘Ningakwaniselini kuchita vose vomwe Mulungu achakumbira.’ Yahova chabvesa vimwevi. Wale womwe achamukondadi ndipo achayesesa kuchita vabwino angakhale azishamwali wake.—Salimo 147:11; Machitidwe 10:34, 35.

PFUNZIRANI VIZINJI

Onani momwe mungakhalire shamwali wa Mulungu, ndipo zindikirani ubwino wokhala paushamwali na iye.

4. Abulahamu wenze shamwali wa Yahova

Vomwe Baibolo ichafotokoza va Abulahamu (yemwe angachemerewa pomwe kuti Abulamu) vichatithandiza kuzindikira thandauzo yokhala shamwali wa Mulungu. Lewengani va Abulahamu mu Genesis 12:1-4. Ndipo patsogolo pake kambiranani mibvunzo aya:

Nchani chomwe Yahova adakumbira Abulahamu kuchita?
Nchani chomwe Yahova adapolomisa Abulahamu?
Nchani chomwe Abulahamu adachita?

5. Nchani chomwe Yahova achadikhira kwa ule yemwe ni shamwali wake?

Kazinji-kazinji, tichadikhira vinthu vinango kwa azishamwali wake.

Nchani chomwe imwepo muchakonda kuti azishamwali wanu ambakuchitireni?

Lewengani 1 Yohane 5:3, ndipo kambiranani mbvunzo uyu:

Nchani chomwe Yahova achadikhira kwa azishamwali wake?

Kuti tibvere Yahova panango vingadikane kuti tichinje vinthu vinango. Lewengani Yesaya 48:17, 18 ndipo patsogolo pake kambiranani mbvunzo uyu:

Ndawa chani Yahova achakumbira kuti azishamwali wake awonese kuchinja pamoyo?

Wophata basa yomanga akupereka kapaseti wachitetezo kwa munzake wa pabasa. — Shamwali chaiye achada kutithandiza ndipomwapa atipasa malangizo. Yahova achachitambo chibodzibodzi na azishamwali wake

6. Vomwe Yahova achachita kwa azishamwali wake

Yahova chathandiza azishamwali wake kupirira mabvuto. Wonesani VIDIYO, kambiranani mbvunzo uyu.

VIDIYO: Yahova adachita vizinji kwa ine (3:20)

Ko Yahova adathandiza tani mlongo wa mu vidiyo kuti apirire maganizo yake yosalimbikisa?

Lewengani Yesaya 41:10, 13, ndipo kambiranani mibvunzo aya:

Nchani chomwe Yahova ankupolomisa kwa azishamwali wake wose?
Ko munkuganiza kuti Yahova angakhale shamwali wabwino? Ndawa chani munkuganiza tene?

Mafoto: Azishamwali ankuthandizana. 1. Amuna akuthandizana kutakula mesa yolemera. 2. Nkazi ankunyamalisiwa na nkazi nzake. 3. Mwamuna ankuthandiza munthu shamwali yemwe ankufamba na n’psimbo. — Shamwali chaiye nthawe zose achakuthandiza. Yahova adzakuthandizenimbo

7. Kuti tikhale shamwali wa Yahova tichadekana kuyankhula naye na kubva vomwe ankunena

Azishamwali akambachezerana ushamwali wawo uchakhala wolimba. Lewengani Salimo 86:6, 11, patsogolo pake kambiranani mibvunzo aya:

Ko tingacheze tani na Yahova?
Ko Yahova achacheza tani na ise?

Mafoto: 1. Nkazi ankupemphera. Kanskwekwe pamsolo pake kankulata pantsi. 2. Nkazi ankulewenga Baibolo. Kankwekwe pamsolo pake kankulata pantsi. — Isepano tichayankhula na Yahova m’pemphero ndipo iye achayankhula nase tikambalewenga Baibolo

WANTHU ANANGO ACHATI: ‘Ni vosakwanisika kukhala shamwali wa Mulungu.’

Ni lemba iponi ya m’Baibolo yamudakaphatisira basa pakuonesa kuti tingakwanise kukhala shamwali wa Yahova?

CHIGWATO

Yahova achada kukhala shamwali wanu ndipo adzakuthandizeni kumufenderera.

Kubwerezera

Ko Yahova achathandiza tani azishamwali wake?
Ndawa chani Yahova akukumbira kuti azishamwali wake awonese kuchinja pamoyo?
Ko imwepo munkuona ni voshupa kukhala shamwali wa Yahova? Nadwa chani munkuganiza tene?

Namaliza pfunziro mweyi pa data:

Vati nichite

Niuzeko shamwali wangu chinthu chanapfunzira kwa Yahova.

Chinango:

Your other goal

KUTI MUDZIWE VIZINJI

Ko kukhala paushamwali na Yahova kungachinje tani moyo wanu?

‘Yahova—Mulungu wodekana kumudziwa’ (Nsanja ya Olonda, 15 Fevereiro, 2003)

Pfunzirani mwamungakhalire shamwali wa Mulungu.

‘Momwe ningakhalire shamwali wa Mulungu’ (Mayankho a zimene achinyamata amafunsa, Volume 2, msolo 35)

Onani momwe kukhala paushamwali na Yahova kudapulumusila moyo wa nkazi munango.

‘Ningadalini kufa’ (Nsanja ya Olonda Na. 1 2017)

Mu vidiyo mweyi alumbwana anango ankufotokoza momwe achaonera Yahova.

Ko kukhala shamwali wa Yahova kuchathandauza chani? (1:46)