PFUNZIRO 20

Mawu yabwino yomalizira

Mlaliki 12:13, 14

MPFUNDO IKULU: Mawu yomalizira yambathandize wanthu kubverana na vamwalewa na kuviphatisa basa.

Mawu yomalizaira yambakhale yobverana na msolo wa nkhani yose. Mumbabwereze mpfundo zikulu-zikulu na msolo wa nkhani.
Limbikisani wanthu kutewedza vomwe apfunzira. Awuzeni vakudikana kuchita na phindu yochitira vimwevi. Mawu yanu yomalizira yambakhale yochokera pasi pamoyo ndipo mumbafotokoze motsimikiza.
Mawu yomalizira yambakhale yachigwato na yosashupa. Mumbagume mpfundo zanyowani. Mawu yake yambakhale yochepa koma yothandiza wanthu kudziwa vodikana kuchita.

Pakumaliza nkhani yanu, ayi kumbayankhula kankulumize ndipo mawu yanu yambakhale yobveka bwino. Viganizo vomaliza mumbavigume mwamphanvu yowonesa kuti muli kumapeto kwa nkhani.