PFUNZIRO 8

Mumbaphatise basa vitsanzo pakupfunzisa

Mateyu 13:34, 35

MPFUNDO IKULU: Phatisani basa vitsanzo vosashupa kubva kuti wobvera wanu abvese mpfundo zikulu-zikulu.

Mumbasalule vitsanzo vosashupa kubva. Khalani ninge Yesu yemwe angaphatisa basa vitsanzo vosashupa kubva kuti apfunzise vinthu voshupa kubva. Osati mumbakanganise wanthu na mawu yazinji. Mumbadzibvunze kuti: Ko chitsanzo mwichi chinkubveranadi na mpfundo yaninkufuna kupfunzisa? Mawu yomwe yankubveranalini na mpfundo ikulu yangasokoneze wanthu.

Mumbakhale na vitsanzo vizinji. Kuti mukwanise kuchita vimwevi, mumbachite chidwi na vinthu, mumbapfunzire mabukhu yathu na kukhala tcheru abale wabuya akambakamba nkhani zawo. Mumbanembe vitsanzo vati mudzaphatise basa.
Mumbaganizire mpfundo zothandiza wanthu. Salulani vitsanzo vobverana na mabasa yosiyana-siyana ya wanthu na vomwe achakonda. Samalani kuti vitsanzo vanu vileke kukalipisa wanthu.
Mumbathandize wanthu kudziwa mpfundo ikulu. Phatisirani basa vitsanzo kuti mupfunzise mpfundo zikulu-zikulu, osati zidiki-zidiki. Wanthu ambakumbukire vomwe apfunzira, osati chitsanzo chokha.