PFUNZIRO 4

Kulewa mawu yakudikana mukanati mwalewenga lemba

Mateyu 22:41-45

MPFUNDO IKULU: Auzeni wobvera ndawa yake muchada kulewenga lemba.

Dziwani mpfundo yamuchada kufotokoza. Mukanati kulewenga lemba, dziwani mpfundo ikulu ndipo lewani mawu yomwe yangachitise kuti wobvera afune kubva mpfundo mweyo.

Mukafuna kufotokoza mpfundo zizinji za mu vesi, fotokozani chaivo. Mwakulinganiza, mumbalewe vazedi mukambatomola yemwe adanemba bukhu ya m’Baibolo.
Mumbawonesese kuti vose vamunkulewa vinkuchokera m’Baibolo. Mukambakambirana na wanthu womwe achakhulupirira Baibolo, mumbawawonese m’Baibolo osati kumbandofotokoza maganizo yanu.
Achitiseni chidwi. Chitani mbvunzo, ndipo lewengani vesi na kuwawonesa momwe inkudawirira. Tomolani bvuto na kuwawonesa momwe vesi mweyo ingawathandizire. Apo neye, mungatomole mpfundo nkulewenga lemba na kuwawonesa mwangaiphatisire basa.

Mumbaganizire vomwe wanthu ankuvidziwa kale pa vesi panango pa nkhani yamunkufuna kufotokoza. Peno vesi yamuti mulewenge wanthu adaibvakale kazinji-zinji, mumbawafotokozere mpfundo inyowani ya mu vesi mweyo kuti achite chidwi.