PFUNZIRO 1

Mawu yabwino yoyambira

Machitidwe 17:22

MPFUNDO IKULU: Mawu yanu yoyamba yamabapase chidwi wanthu. Nenani vati mukambirane na kuwonesa ndawa yake nkhani mweyo ni yakudikana kwa iwo.

Achitiseni chidwi. Chitani mbvunzo wankhani yomwe yachitika manje-manje, na vinango vomwe angachite navo chidwi.

Mukambakonzekera, dziwani vinthu vomwe wobvera wanu angachite navo chidwi ndipo kavileweni.
Adziwiseni nkhani yanu. Wonesesani kuti mwawauza msolo wa nkhani yanu, chakulinga na kutomola vati mukambe.
Awoneseni phindu ya nkhani yanu. Fotokozani vinthu vomwe angaviphatisedi basa ntsiku na ntsiku. Muchadekana kuwadziwisa kuti ndawa chani nkhani yanu ni yakudikana pamoyo wawo.

Mukambakonzekera nkhani yanu mumbadzibvunze kuti: ‘Ko nimabvuto yaponi yomwe abale na alongo wa mumpingu mwathu ankugumana nayo?’ Mukateno, mawu yanu yoyamba yawonese kuti nkhani yanu iwathandize pa mabvuto yawo.