Malaki

4 “Onani! Ntsiku yogaka ninge uvuni ikubwera, ndipo wanthu wose odzikwiza na wose wochita voipa adzakhale ninge mapesi. Pantsiku mwiyo iwo adzadzongewe mwakuti padzakhalelini mizu panango nthawi zawo,” wanena teno Yahova wa magulu yankhondo yakudzulu. 2 “Koma imwepo omwe mukulemekeza* dzina yangu, dzuwa ya chilungamo idzakugakireni ndipo kugwerewera kwake* kudzakhale na mphanvu yopolesa. Mudzamogemoge ninge wana wa ng’ombe amuna onenepa.”

3 “Mudzapondeponde wanthu woipa. Iwo adzakhale ninge pfumbi kumapazi kwanu pantsiku yomwe nidzachitepo kanthu,” wanena teno Yahova wa magulu yankhondo yakudzulu.

4 “Kumbukirani Chilamulo cha Mose ntumiki wangu. Kumbukirani malamulo na viweruzo vomwe nidamupasa ku Horebe kuti Aizirayeli wose ambavitewedze.

5 Bveserani! Ntsiku ikulu ya Yahova na yochitisa mantha ikalibe yafika, nidzakutumizireni mneneri Eliya. 6 Iye adzachitise mitima ya ababa kukhala ninge ya wana wawo na mitima ya wana kukhala ninge ya ababa wawo.* Adzachite vimwevi kuti inepano nileke kubwera kudzadzonga dziko yapasi.”

(Malemba yomwe yadanembewa mu Chiheberi na mu Chiaramu yamalira mwapa. Malemba yapatsogolo aya yadanembewa mu Chigiriki)