Khala nu Gikhesa nu Gujinginyina Gifua Benaya

Benaya wakhalele suta dia ngolo diago; wakhalele mukatshi dia masuta a fumu Davidi nu fumu Salomo. Benaya wakhalele mun’a nganga-nzambi. Mu guzuela guabonga, ngakhalelego naye gulua ita nga gukalegela iluilo. Ikhale ngenyi, Benaya waluile ita ya Yehowa nu gikhesa giagasue. Ha gufezegesa, washiyile khoshi mu wina wa meya, washiyile nji muthu mumoshi waleha diago. Davidi wakhalele mushila Benaya mutshima muavula, wamubuishile nji fumu wa masuta akhalele gumubamba.​—2 Sam. 23:20-23.

Benaya wasalele wagujinginyina gudi Davidi tangua Abasaloma nu Adoniya akambele gumutambula ufumu. (2 Sam. 8:18; 15:18; 1 Maf. 1:8) Habuile Davidi muthu wa gukola, Benaya wayile gu khanda ya athu ambile Salomo maji ha gumubuisa fumu. (1 Maf. 1:32-40) Benaya wasalele diago wagujinginyina gudi Yehowa nu gudi athu ambile muene maji ha guhinyina, ikhale athu ako atshitshilego ngenyi.

Esue nji tudi naye gukhala nu gikhesa ha guluisa mbalagaji wetu Satana nu athu akhala gu khanda yenji. Tudi naye guzula desizio dia gulandula gutumagela mikhuala ya Yehowa. (Ef. 6:11; 1 Phet. 5:8, 9) Ikhale athu ako abemba gawo gukombelela Yehowa, uvi esue tudi naye gusala agujinginyina gudi muene nu gusha mutshima egi mbawutushimbiga.​—2 Sam. 22:26.