Khala Mutangiza Mene Jidi mu Biblia

Biblia yana khala nu mene jiavula jiana gutulongesa malongo avula a ndando. Gula tudi muzula tangua dia gutangigiza luholo ndaga jiene jiabalegele, yajiya gutukuatesa ha gukotelesa muabonga ndaga tudi mutanga nu guzula malongo a ndando. Tutadilenu ndaga jiajiya gugukuatesa ha gutangigiza muabonga luholo ndaga jiabalegele mu lumene udi mutanga.

• Khala mutanga mu mbimbi yakola. Gula udi mutanga Biblia mu mbimbi yakola, yajiya gugukuatesa ha gukotelesa muabonga luholo ndaga jiabalegele. Gula mudi mutanga Biblia mu fami, muajiya gudikhaphela itshinyi ya gutanga, muthu nu muthu azudi mbimbi jia muthu mumoshi adi muzuelela mu lumene luene.

• Dinginyise mu lumene luene. Kamba gukotelesa matangi nu luholo luakhalele gudivua muthu wagasue adi muzuelela mu lumene udi mutanga. Ha gufezegesa, wajiya gudihula egi: ‘Mukunda natshi muthu owu wazuelele nga ndo wakalegele ndaga ngenyi? Luholo lutshi ngakhalele naye gudivua nga gutangiza gula ngakhalele ha fundo dienji?’

• Londa ifuanesa. Gula udi mulonda ifuanesa ya ndaga udi mutanga, yajiya gugukuatesa ha gukotelesa muabonga luholo ndaga jiabalegele mu lumene udi mutanga nu ha guwunguluga lumene luene, ikhale wana jiya ndo gulondega ifuanesa yene muabonga.