‘Nan Ta Papia di Bondad i Amor’

ÚLTIMO añanan, Testigonan di Jehova na Francia tabata e blanco di un campaña intenso di difamacion. Nan oponentenan a usa mitar berdad i informacion robes pa malrepresentá nan cerca e público. Na principio di 1999, Testigonan di Jehova rond Francia a distribuí 12 miyon ehemplar di un tratado titulá Pueblo di Francia, Bo Ta Ser Gañá! Den e tratado aki nan a denunciá e expresionnan difamatorio cu a ser hací contra nan.

Algun dia despues dje campaña, sr. Jean Bonhomme, un médico i ex-miembro di Parlamento, a manda un carta habrí pa un korant local. El a skirbi: “De bes en cuando Testigonan di Jehova ta bini mi cas. Nan ta bin papia cu mi tocante bondad i amor universal. . . . Nan no ta imponé nan presencia. Nan ta expresá nan mes suavemente i nan ta scucha bondadosamente na mi skepticismo.”

Papiando dje punto di bista spiritual di Testigonan di Jehova, sr. Bonhomme a bisa: “Den e caso aki, e naïf cu nan ta, apénas por haci daño. Na otro banda, e naïf cu cierto políticonan ta, ta un menasa hopi mas grandi p’e pas dje ciudadanonan i e armonia di sociedad.”