Saka tempu pa bo siña konosé Dios

Bo bida lo mehorá si bo saka tempu pa konosé Dios i bira su amigu. Ora ku bo ta hasi esei, lo bo ta hasiendo algu pa satisfasé bo nesesidat spiritual. Ban wak loke Hesus a siña nos tokante e tópiko akí.

Loke Hesus a bisa

“Hende ku ta konsiente di nan nesesidat spiritual ta felis.”—Mateo 5:3.

• Nos tur ke haña sa kontestá pa pregunta manera: Kiko ta e propósito di bida? Dikon tin asina tantu sufrimentu? Kiko ta pasa ku nos ora nos muri? Pa nos por ta realmente felis, nos mester sa kontesta pa e preguntanan ei.

“Hende no mester biba di pan so, sino tambe di tur palabra ku ta sali for di boka di Yehovaa.”—Mateo 4:4.

• Meskos ku nos tin mester di kuminda pa nos keda na bida, asina tambe nos tin mester di kuminda spiritual. Anto, Hesus a mustra bon kla ku nos mester dependé riba Dios pa yena nos nesesidat spiritual.

“Bo mensahenan ta na armonia ku bèrdat.”—Huan 17:17.

• Hesus a yuda nos komprondé ku e manera prinsipal ku Dios ta satisfasé nos nesesidat spiritual, ta mediante Beibel, e Palabra di Dios.

Nos ta animá bo pa saka tempu pa bo siña konosé Dios i satisfasé bo nesesidat spiritual. Asina, lo bo ta felis di bèrdat. Ata akí algun kos ku por yuda bo logra esei:

• Lesa Beibel grátis.

• Pidi pa un hende duna bo un kurso di Beibel interaktivo grátis.