Bo Ta Usa e Kaft Parti Patras?

Hopi biaha ora un hende kue un revista, e ta wak e portada i despues outomátikamente e ta bir’é p’e wak e kaft parti patras. Riba e kaft di e edishon kombiná di E Toren di Vigilansia sa tin vários pregunta òf deklarashon ku ta lanta interes i e number di página ku ta trata e informashon relashoná ku esakinan.

E informashon akí por duna nos un bon idea enkuanto ki pregunta di introdukshon nos por usa pa kuminsá un kòmbersashon. Si nos ta traha nos teritorio ku frekuensia, nos por varia nos presentashon usando diferente pregunta durante luna. Si e doño di kas ta okupá, nos por hasi nos presentashon mas kòrtiku dor di mustr’é un di e preguntanan ku tin riba e kaft parti patras i bisa, “Si bo ke haña e kontesta, mi por laga e revistanan akí pa bo i nos por papia un otro dia ora bo tin tempu.” Algun publikadó kisas ke laga e doño di kas mes skohe un di e preguntanan di e kaft parti patras pa kuminsá un kòmbersashon. Despues nan lo por mustr’é unda pa haña e kontesta i lesa un teksto di Beibel ku nan a skohe di antemano. Kisas bo por pensa riba otro maneranan pa usa e kaft parti patras pa lanta interes den E Toren di Vigilansia.