Repaso di Skol di Ministerio Teokrátiko

Lo konsiderá e siguiente preguntanan na e Skol di Ministerio Teokrátiko durante e siman di 30 di ougùstùs 2010. E superintendente di skol lo kondusí un repaso di 20 minüt basá riba e informashon ku a ser tratá den asignashonnan di e simannan di 5 di yüli te ku 30 di ougùstùs 2010.

1. Ora nos meditá riba Salomon su orashon di inougurashon di e tèmpel, kon esei ta yuda nos haña mas apresio pa Yehova su personalidat? (1 Rei. 8:​22-⁠53) [w05 1/7 pág. 30 §3; it-2-S pág. 912 §1]

2. Dikon nos por bisa ku David a kana dilanti Yehova “den integridat di kurason” apesar ku el a kometé hopi eror? (1 Rei. 9:⁠4) [w97 1/5 pág. 5 §1-⁠2]

3. Dikon e reina di Saba a bisa tokante Salomon: “Bendishoná e sirbidónan di bo akí ta, ku kontinuamente ta para bo dilanti i ta tende bo sabiduria”? (1 Rei. 10:​4-⁠8) [w99 1/11 pág. 20 §5-7]

4. Ki konklushon nos por saka for di e echo ku Yehova a duna òrdu pa Abias haña un entiero desente? (1 Rei. 14:⁠13) [cl pág. 244 §11]

5. Dikon e taiming di Elias su promé bishita serka Akab tabata importante? (1 Rei. 17:⁠1) [w08-S 1/4 pág. 19, kuadro]

6. Kiko Elias tabata ke men ku e palabranan “keda duda entre dos opinion”? (1 Rei. 18:⁠21) [w08-S 1/1 pág. 19 §3-4]

7. Manera a keda demostrá den e kaso di Elias, ku ki propósito Yehova ta usa su poder en konekshon ku su sirbidónan? (1 Rei. 19:​1-⁠12) [cl pág. 43 §15-⁠16]

8. Dikon Nabot a nenga di bende su kunuku di wendrùif ku Akab, i ki lès nos por siña for di esaki? (1 Rei. 21:⁠3) [w97 1/8 pág. 13 §18-⁠20]

9. Den ki sentido e muhé na Sunem a ‘restringí su mes’ pa Eliseo? (2 Rei. 4:⁠13, NW ) [w97 1/10 pág. 30 §6-8]

10. Pakiko Eliseo no a aseptá e regalo di Naaman? (2 Rei. 5:​15, 16) [w05 1/8 pág. 9 §2]