Bo Ta Hasi Uso di e Buki Rasonamentu?
1. Kon Pablo i Hesus a siña otro hende?
1 Apòstel Pablo a hasi esfuerso pa ‘rasoná for di e Skritura.’ (Echo. 17:2, 3; 18:19) Di e manera ei, el a imitá Hesus, kende frekuentemente tabata sita for di e Skritura i tabata usa komparashon pa yuda su oyentenan komprondé e boluntat di Dios. (Mat. 12:1-12) E buki Rasonamentu for di e Skritura a ser prepará pa yuda nos hasi netamente esei.
2. Kon nos por usa e buki Rasonamentu pa prepará introdukshonnan efikas?
2 Prepará Introdukshonnan Efikas: Na página 9 pa 15 di e buki Rasonamentu for di e Skritura (òf página 2-7 di e foyeto chikía) tin introdukshonnan ku por lanta interes. Ora bo siña diferente introdukshon i usa nan, spesialmente ora bo ta traha e teritorio ku frekuensia, esei lo trese variedat den bo ministerio i yuda bo bira mas fleksibel i efikas den kuminsá kòmbersashon. Ora nos ta partisipá den e predikashon via telefòn òf ora nos tin ku papia via interkòm di edifisionan di alta siguridat, nos por lesa un introdukshon dirèkt for di e buki.
3. Kiko nos por haña na página 16 pa 24 di e buki Rasonamentu ku por yuda nos den sirbishi?
3 Vense Opheshonnan: Pakiko no pensa un ratu riba opheshonnan ku hende den bo teritorio lo por bin kuné i tuma un par di minüt promé ku bo sali den sirbishi pa repasá e sugerensianan ku tin na página 16 pa 21 (foyeto chikí* pág. 8-13)? Tin doño di kas budista, hindú, hudiu òf mòslem den bo teritorio? Si esei ta e kaso, e informashon den e buki Rasonamentu na página 21 pa 24 (foyeto chikí* pág. 13-16) lo ta útil.
4. Kon nos por usa e buki Rasonamentu ora un hende bin ku un pregunta òf tópiko difísil?
4 Kontestá Preguntanan: E buki Rasonamentu por yuda nos tambe ora un hende bin ku un pregunta òf tópiko difísil. Kisas bo por djis bisa e persona ku bo ke mustr’é un informashon interesante tokante e tópiko ei i saka bo buki Rasonamentu. Siendo ku e temanan ta den órden alfabétiko, bai na e tema prinsipal ku ta trata e informashon ku bo tin mester. Tira un bista riba e preguntanan skirbi ku lèter diki. Si bo no por haña loke bo ta buskando mesora, bai na e indèks parti patras. Ora bo haña e informashon apropiá, les’é dirèkt for di e buki. Si boso ta papiando riba un teksto spesífiko, kisas bo por haña loke bo tin mester di dje na página 445 bou di “Tekstonan Bíbliko Ku Ta Ser Apliká Robes.”
5. Kua ta otro maneranan benefisioso ku por usa e buki Rasonamentu?
5 Otro Maneranan pa Us’é: Algun publikadó tin un buki Rasonamentu na nan trabou òf na skol pa yuda nan kontestá preguntanan manera, ‘Dikon boso no ta selebrá dianan di fiesta?’ Hóbennan sa haña informashon útil bou di e tema “Kreashon” i “Evolushon” pa traha spreekbeurt. Bo ta bai bishitá un hende ku ta malu òf ku a pèrdè un ser kerí? E informashon bou di e tema “Estímulo” por yuda bo duna konsuelo basá riba Beibel. E buki Rasonamentu tin informashon útil tambe pa esnan ku ta prepará un parti i esnan ku ta dirigí reunion pa sirbishi di vèlt.
6 Ora nos ta prediká, nos meta no ta pa diskutí, ni djis pa duna informashon. Nos ke rasoná ábilmente for di e Skritura. Ora nos hasi bon uso di e buki Rasonamentu, nos ta mustra ku nos ta paga bon tinu na nos siñansa.—1 Tim. 4:16.
[Footnote]
a Con pa Cuminsá i Continuá Consideracionnan Bíblico
6. Kiko ta nos meta ora nos ta prediká?