Programa pa Skol di Ministerio Teokrátiko pa 2009

Programa pa Skol di Ministerio Teokrátiko pa 2009

INSTRUKSHONNAN

Durante aña 2009 lo dirigí e Skol di Ministerio Teokrátiko segun e siguiente instrukshonnan.

FUENTE DI INFORMASHON: Beibel Santu, E Toren di Vigilansia (E Palabra di Yehova Ta Bibu) [w-PA], Siña for di e Gran Maestro [lr-PA] i Rasonamentu for di e Skritura (Edishon di 1989) [rs-S].

E skol mester kuminsá NA TEMPU ku palabranan di bon biní. Despues di esei e ta sigui manera ta indiká aki bou. Despues di kada parti, e superintendente di skol lo introdusí e parti ku ta sigui.

PUNTONAN SOBRESALIENTE FOR DI LESAMENTU DI BEIBEL: 10 minüt. Durante e promé kuater minütnan, un ansiano òf sirbidó ministerial kualifiká lo trata puntonan for di e lesamentu semanal di Beibel. E úniko eksepshon lo ta ora di trata e promé kapítulonan di un buki bíbliko. E ora ei, e informashon pa e promé kuater minütnan lo ta basá riba e seri di artíkulo “E Palabra di Yehova Ta Bibu” ku ta sali den E Toren di Vigilansia desde 1 di yanüari 2004. Por ehèmpel, e siman di 5 di yanüari lo trata e promé sinku kapítulonan di e buki di Génesis. Pues e oradó lo selektá un par di punto prinsipal for di e paragrafnan di introdukshon i di e suptema “Lès pa Nos” den e seri menshoná ariba. E mester apliká e informashon na un manera ku ta benefisiá e kongregashon. Sea ku ta konsiderá e lesamentu semanal di Beibel òf puntonan for di “E Palabra di Yehova Ta Bibu,” e meta prinsipal ta pa yuda e ouditorio komprondé pakiko i kon e informashon ta di balor pa nos. E oradó mester tene kuidou p’e no pasa e kuater minütnan asigná pa e parti inisial akí. E mester hasi sigur di laga seis minüt pa e ouditorio por duna komentario breve di 30 sekònde òf ménos riba puntonan ku nan a disfrutá di dje durante e lesamentu semanal di Beibel. Despues e superintendente di skol lo pidi e studiantenan ku tin parti den e otro salanan pa bai nan sala.

PARTI NUM. 1: 4 minüt òf ménos. Esaki ta lesamentu na enkargo di un ruman hòmber. E studiante mester lesa e informashon asigná sin un introdukshon òf konklushon. E superintendente di skol lo ta spesialmente interesá pa yuda e studiantenan lesa vlòt, ku komprondementu, ku énfasis ku ta komuniká sentido, ku modulashon, ku uso adekuá di pousa i na un manera natural.

PARTI NUM. 2: 5 minüt. Lo asigná esaki na un ruman muhé. Studiantenan lo haña un marko di sirkunstansia òf nan mes tin mag di skohe unu for di e lista na página 82 di e buki Benefisiá di e Skol di Ministerio Teokrátiko. E studiante mester usa e tema asigná i aplik’é na un aspekto di sirbishi di vèlt ku ta realístiko i práktiko pa e teritorio lokal. Ora no menshoná fuente di informashon, e studiante mester buska informashon pa e parti akí dor di hasi investigashon den nos publikashonnan. E superintendente di skol lo ta spesialmente interesá den e manera ku e studiante ta desaroyá e informashon i e manera ku e ta yuda e doño di kas rasoná riba e tekstonan bíbliko i komprondé e puntonan prinsipal di e presentashon. E superintendente di skol lo asigná un ayudante.

PARTI NUM. 3: 5 minüt. Por asigná e parti akí na un ruman hòmber òf muhé. E studiante mester desaroyá e tema asigná. Ora no menshoná fuente di informashon, e studiante mester buska informashon pa e parti akí dor di hasi investigashon den nos publikashonnan. Si e parti akí ta na enkargo di un ruman hòmber, e mester dun’é den forma di un diskurso dirigí na e esnan presente den Salòn di Reino. Ora asigná e parti akí na un ruman muhé, e mester present’é meskos ku Parti Num. 2. Tuma nota ku mester asigná temanan ku tin un strea solamente na ruman hòmber pa nan present’é komo diskurso, i si tin sufisiente ansiano òf sirbidó ministerial, mester laga nan duna e parti akí.

KONSEHO: 1-2 minüt. E superintendente di skol lo no anunsiá di antemano e kualidat di papia ku un studiante ta trahando riba dje. Despues di Parti Num. 1, Num. 2 i Num. 3, e superintendente di skol lo duna algun komentario positivo riba un aspekto di e parti ku e studiante a hasi bon, bisando spesífikamente pakiko e aspekto ei di e presentashon tabata efektivo i ta referí frekuentemente na e buki di instrukshon Skol di Ministerio. Si ta nesesario pa un studiante traha riba un punto spesífiko di kualidat di papia, por dun’é mas konseho konstruktivo den privá despues di reunion òf na un otro momento.

TEMPU: Ningun di e partinan mag di bai overtaim, ni e komentarionan di e konsehero. Ora e studiantenan ku ta duna Partinan Num. 1, 2 òf 3 pasa e tempu stipulá, mester stòp nan ku takto. Si rumannan ku ta enkargá ku puntonan sobresaliente for di lesamentu di Beibel bai overtaim, mester duna nan konseho den privá. Tur hende mester wak nan tempu kuidadosamente. Durashon kompletu di e programa: 30 minüt.

FORMULARIO DI KONSEHO: Den e buki di instrukshon Skol di Ministerio.

KONSEHERO ASISTENTE: E kuerpo di ansiano por skohe un ansiano kapas, si tin unu disponibel fuera di e superintendente di skol, pa kumpli ku e responsabilidat di konsehero asistente. Si tin vários ansiano den e kongregashon, tur aña un otro ansiano kualifiká lo por kumpli ku e asignashon akí. E konsehero asistente su responsabilidat ta pa duna konseho privá, si ta nesesario, na rumannan hòmber ku ta presentá puntonan sobresaliente di Beibel. No ta nesesario p’e duna konseho despues di kada diskurso ku un ansiano òf sirbidó ministerial ta presentá.

REPASO DI SKOL DI MINISTERIO TEOKRÁTIKO: 20 minüt. Kada dos luna, e superintendente di skol lo tene un repaso. Promé ku e repaso, lo tin e konsiderashon di puntonan sobresaliente for di e lesamentu di Beibel manera a wòrdu indiká ariba. E repaso lo ta basá riba loke a konsiderá den e skol durante e último dos lunanan, inkluso e siman di e repaso mes. Si boso kongregashon tin asamblea di sirkuito òf bishita di superintendente di sirkuito durante e siman di e Repaso di Skol di Ministerio Teokrátiko, e ora ei mester posponé e repaso pa su siguiente siman, i mester usa Partinan Num. 1, 2 i 3 di e siguiente siman. No mester hasi ningun kambio den e programa di lesamentu semanal di Beibel ni e presentashon di e puntonan sobresaliente di Beibel.

PROGRAMA

5 di Yan. Lesamentu di Beibel: Génesis 1-5

Num. 1: Génesis 3:⁠1-⁠15

Num. 2: Dikon Hesus Tabata un Gran Maestro (lr-PA kap. 1)

Num. 3: Kiko No Ta Banidat? (1 Kor. 15:⁠58)

12 di Yan. Lesamentu di Beibel: Génesis 6-10

Num. 1: Génesis 9:1-17

Num. 2: Kon pa Reakshoná Riba Opheshon Kontra Kreensia den Dios (rs-S pág. 122 §6–pág. 124 §1)

Num. 3: Un Karta di Dios, Ku Ta Stima Bo (lr-PA kap. 2)

19 di Yan. Lesamentu di Beibel: Génesis 11-16

Num. 1: Génesis 14:1-16

Num. 2: Esun Ku A Traha Tur Kos (lr-PA kap. 3)