Programa di Reunion di Sirbishi

Siman di 11 di Ougùstùs

Kantika 63

10 min: Anunsio lokal. Puntra e presentenan kua artíkulo di e revistanan nobo nan ta haña lo atraé hende den e teritorio. Invitá nan pa menshoná puntonan spesífiko di e artíkulonan ku nan tin pensá di usa. Ki pregunta lo bo por hasi pa kuminsá un kòmbersashon? Kua teksto den e artíkulo bo por lesa despues? Hasi areglo di antemano pa tene demostrashonnan ku ta mustra kon por usa presentashonnan sugerí.

15 min: No Laga Nada Distraé Bo di Hasi e Boluntat di Dios. Diskurso basá riba e buki “Bin, Sigui Mi,” página 93-4, paragraf 12-13.

20 min: “Usa e Revistanan den Bo Ministerio.”a Ora ta trata paragraf 3 i 4, adaptá e informashon na boso situashon. Entrevistá brevemente ún òf dos publikadó ku ta bon den laga revista den teritorio di negoshi, riba kaya, na lugánan públiko òf ora nan ta prediká informalmente. Laga nan splika kon nan ta ofresé revista den e sirkunstansianan aki. Tene un demostrashon kòrtiku òf demostrá un eksperensia real.

Kantika 26

Siman di 18 di Ougùstùs

Kantika 135

10 min: Anunsio lokal. Anunsio selektá for di Nos Ministerio di Reino. Konsiderá e artíkulo “Programa Nobo pa Asamblea di Sirkuito.” Anunsiá e fecha di e siguiente asamblea di sirkuito si boso tiné. Kòrda e presentenan pa trese E Toren di Vigilansia di 1 di sèptèmber i e ¡Despertad! di sèptèmber otro siman pa e Reunion di Sirbishi i pa prepará pa papia riba kon lo por ofresé nan den teritorio.

20 min: Nos Manera di Bisti i Areglo Personal Ta Onra Yehova. Diskurso na enkargo di un ansiano. Debí ku Yehova ta un Dios santu, su pueblo ta konsiderá limpiesa físiko sumamente importante. (Eks. 30:​17-21; 40:​30-32) Nos ta agradá Yehova i glorifik’é ora nos ta bon ehèmpel den nos manera di bisti i areglo personal, spesialmente den sirbishi. (1 Ped. 2:⁠12) Di otro banda, si nos keda sin hasi esei nos por pone ku ‘e palabra di Dios ta wòrdu desonrá.’ (Tito 2:⁠5) Relatá eksperensianan lokal òf saká for di nos literatura ku ta mustra kon aparensia ehemplar di un publikadó a resultá den un testimonio.

15 min: Hóbennan Ku Ta Duna un Testimonio Poderoso. Diskurso animante pa mayornan i nan yunan ku pronto lo bai skol atrobe. Rekordá hóbennan pa probechá di oportunidatnan ku presentá pa prediká. Si tin sufisiente tempu, animá e ouditorio pa konta kon nan a duna testimonio na skol.

Kantika 61

Siman di 25 di Ougùstùs

Kantika 24

15 min: Anunsio lokal. Lesa informe di kuenta i e konfirmashon ku sukursal a risibí e donashonnan. Konsiderá e artíkulo “Programa Nobo pa Dia Spesial di Asamblea,” i anunsiá e fecha di e siguiente dia spesial di asamblea si boso tiné.

15 min: Nesesidat lokal.

15 min: Prepará pa Ofresé E Toren di Vigilansia di 1 di sèptèmber i ¡Despertad! di sèptèmber. Konsiderashon ku e presentenan. Duna un resúmen breve di e revistanan, i puntra e presentenan kua artíkulo lo atraé hende den e teritorio. Kua pregunta i teksto por usa pa introdusí e tema? Tene un demostrashon pa mustra kon por usa un presentashon sugerí for di Nos Ministerio di Reino. Laga un di e ansianonan demostrá brevemente kon pa presentá un artíkulo ku el a prepará i ku lo atraé hende den teritorio.

Kantika 196

Siman di 1 di Sèptèmber

Kantika 112

10 min: Anunsio lokal. Kòrda tur publikadó pa entregá nan rapòrt di sirbishi di vèlt di ougùstùs.

20 min: Isolá Pero No Lubidá! Diskurso basá riba La Atalaya di 15 di aprel 2008, página 25-28. Menshoná nòmber di e rumannan di e kongregashon ku ta biba den un kas di kuido. Si no tin ningun, usa e prinsipionan den e artíkulo pa animá e kongregashon pa duna yudansa na kualke ruman ku ta malu òf ku di un òf otro manera ta limitá den loke nan por hasi pa partisipá den aktividatnan di kongregashon.

15 min: Den Sèptèmber, Kuminsá un Estudio di Beibel na e Promé Bishita. Konsiderashon ku e presentenan. Durante luna di sèptèmber nos lo ofresé e buki Beibel Ta Siña i hasi esfuerso pa konsiderá un par di paragraf ku e doño di kas na e promé bishita. Repasá e sugerensianan den e suplemento di Nos Ministerio di Reino di yanüari 2006, i tene un òf dos demostrashon ku ta mustra kon pa kuminsá un estudio di Beibel na e promé bishita.

Kantika 74

[Footnote]